ଡ୍ରଗ୍ସ କନେକ୍ସନ୍ ନେଇ ରିୟାଙ୍କ ଘରେ NCBର ଛାନବିନ୍,ଭାଇ ସୌଭିକ ଓ ସାମୁଏଲ ମିରାଣ୍ଡାଙ୍କୁ ପଚରାଉଚରା

1 min read

ମୁମ୍ବାଇ: ପ୍ରଥମେ ଇଡି, ତା ପରେ ସିବିଆଇ ଆଉ ଏବେ NCB । ସୁଶାନ୍ତ ସିଂ ରାଜପୁତ ମୃତ୍ୟୁ ମାମଲାରେ ଡ୍ରଗ୍ସ କନେକସନ୍ ନେଇ ଖୋଳତାଡ ଆରମ୍ଭ କରିଛି ନ୍ୟାରୋଟିକ୍ସ କଣ୍ଟ୍ରୋଲ ବ୍ୟୁରୋ  । ଆଜି ରିୟାଙ୍କ ଭାଇ ସୌଭିକଙ୍କ ଚକ୍ରବର୍ତ୍ତି ଓ ସୁଶାନ୍ତଙ୍କ ମ୍ୟାନେଜର ସାମୁଏଲ ମିରାଣ୍ଡାଙ୍କୁ ଉଠାଇଛି NCB  । ଏଥିସମେତ ରିୟାଙ୍କ ଘରେ ମଧ୍ୟ ହୋଇଛି ଚଢାଉ  । ଡ୍ରଗ୍ସ କାରବାର ନେଇ ଏକ ହ୍ୱାଟ୍ସଆପ୍ ଚାଟ୍ ସାମ୍ନାକୁ ଆସିବା ପରେ ଏହାକୁ ନେଇ ଆରମ୍ଭ ହୋଇଛି ଛାନଭିନ୍  ।

NCB ଟିମ୍ ରିୟା, ରିୟାଙ୍କ ଭାଇ ସୌଭିକ ଓ ସାମୁଏଲ ମିରାଣ୍ଡାଙ୍କ ଘରେ ଚଢାଉ କରିଥିଲେ । ଏହି ସମୟରେ ସୌଭିକ ଓ ମିରାଣ୍ଡାଙ୍କ ଡିଜିଟାଲ ଡିଭାଇସକୁ ଜବତ କରିଛି NCB  । ମୋବାଇଲ୍ ଓ ଲାପଟପ ମଧ୍ୟ ଅକ୍ତିଆର କରିବା ସମେତ ଅନେକ ଗୁରୁତ୍ୱପୂର୍ଣ୍ଣ ଦସ୍ତାବିଜ୍ ମଧ୍ୟ NCB ହାତରେ ଲାଗିଛି । ଘଟଣାର ପୁରା ସତ୍ୟାସତ୍ୟ ପାଇଁ ସୌଭିକ ଓ ସାମୁଏଲକୁ ମୁହାଁମୁହିଁ ଜେରା କରିପାରେ NCB । ଏଭଳିକି ସୌଭିକ ଚକ୍ରବର୍ତ୍ତି ଓ ସାମୁଏଲ ମିରାଣ୍ଡା ଗିରଫ ହେବାର ମଧ୍ୟ ସମ୍ଭବନା ରହିଛି । କାରଣ ହ୍ୱାଟ୍ସଆପ୍ ଚାଟରେ ସୌଭିକଙ୍କ ଡ୍ରଗ୍ସ କାରବାର ନେଇ ଅନେକ ପ୍ରମାଣ ମିଳିଥିବା ଜଣାପଡିଛି ।

ଡ୍ରଗ୍ସ କାରବାରରେ ରିୟାଙ୍କ ଭାଇଁ ସୌଭିକଙ୍କ ନାଁ ସାମ୍ନାକୁ ଆସିବା ପରେ ଏବେ ବଢିଛି ରିୟାଙ୍କ ପାଇଁ ମଧ୍ୟ ବଢିଛି ବିପଦ । ଡ୍ରଗ୍ସ ମାମଲାରେ ତିନି ଜଣକୁ ଗିରଫ କରାଯାଇଛି  । ଆଉ କାହାର ହାତ ରହିଛି ଡ୍ରଗ୍ସ ରାକେଟ ପଛରେ ସେ ନେଇ ତଦନ୍ତ ଅଭିଯାନକୁ ଜୋରଦାର କରିଛି NCB । ସେପଟେ ଆଜି ମଧ୍ୟ ଦିଶା ସାଲିୟାନଙ୍କ କମ୍ପାନୀର କର୍ମଚାରୀ ବଣ୍ଟି ସଜଦେହକୁ ପଚରାଉଚରା କରୁଛି ସିବିଆଇ । ଦିଶାଙ୍କ ମୃତ୍ୟୁକୁ ନେଇ ସିବିଆଇ କରୁଛି ପଚରାଉଚରା ।

ଦିଶା ସୁଶନ୍ତଙ୍କ ପୂର୍ବ ମ୍ୟାନେଜର ହୋଇଥିବାବେଳେ ଜୁନ୍ ୮ ତାରିଖରେ ତାଙ୍କର ମୃତ୍ୟୁ ହୋଇଥିଲା । ଡଃ ହରିଶ ସେଠୀଙ୍କୁ ପଚରାଉଚରା କରୁଛନ୍ତି ସିବିଆଇ ଟିମ୍ । ରିୟା ହରିଶ ସେଠୀଙ୍କୁ ସୁଶାନ୍ତଙ୍କ ସ୍ୱାସ୍ଥ୍ୟ ସମ୍ପର୍କରେ ଅବଗତ କରାଇଥିଲେ । ସେପଟେ ସୁଶାନ୍ତଙ୍କ ପରିବାର ଓକିଲ ବିକାଶ ସିଂ କହିଛନ୍ତି ରିୟା ସୁଶାନ୍ତଙ୍କ ଜୀବନରେ ଆସିବା ପରେ ସୁଶାନ୍ତଙ୍କ ଦେହ ଖରାପ ହୋଇଥିଲା ।

Opn Commnet Area

Leave a Reply

Your email address will not be published. Required fields are marked *

Close Bitnami banner