ଗୋଡ଼ାଇ ଗୋଡ଼ାଇ ଦୁର୍ଦ୍ଦାନ୍ତ ଅପରାଧୀ ହାଡ଼ିଆକୁ ହାଣିଦେଲେ,ଅପରାଧୀଙ୍କୁ ଖୋଜୁଛି ପୋଲିସ

1 min read

କଟକ: ଦୁର୍ଦ୍ଦାନ୍ତ ଅପରାଧୀ ହାଡିଆ ହତ୍ୟାକାଣ୍ଡ ଘଟଣାରେ ଜୋର ଧରିଛି ତଦନ୍ତ ପ୍ରକ୍ରିୟା । ଘଟଣାସ୍ଥଳରେ ଫରେନ୍ସିକ୍ ଟିମ୍ ପହଞ୍ଚି ଖୋଲତାଡ ଆରମ୍ଭ କରିଛି । ଗତକାଲି ରାତିରେ ଦୁର୍ବୁତ୍ତଙ୍କ ଆକ୍ରମଣରେ ଦୁର୍ଦ୍ଦାନ୍ତ ଅପରାଧୀ ହାଡିଆ ଓରଫ ପ୍ରକାଶ ବେହେରାର ମୃତ୍ୟୁ ହୋଇଥିଲା । ହାଡିଆର ଜଣେ ସହଯୋଗୀ ମଧ୍ୟ ଗୁରୁତର ହୋଇଛନ୍ତି । କୃଷକ ବଜାର ନିକଟରେ ହାଡିଆ ଉପରେ ସଙ୍ଗବଦ୍ଧ ଭାବେ ଆକ୍ରମଣ ହୋଇଥିଲା ।

ଗୁରୁତର ଅବସ୍ଥାରେ ହାଡିଆକୁ SCBରେ ଭର୍ତ୍ତି କରାଯାଇଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ହାଡ଼ିଆ ନାମରେ ବିଭିନ୍ନ ଥାନାରେ ଏକାଧିକ ମାମଲା ରହିଛି । କିଛି ଦିନ ତଳେ ଏକ ବୋମାମାଡ଼ ଘଟଣାରେ ଜେଲ ଯାଇଥିଲା ହାଡିଆ । ସେହିପରି ଚୌଦ୍ୱାର ଜେଲ ଯାଇ ଫେରିଥିଲା ହାଡ଼ିଆ । ତେବେ ହତ୍ୟାକାଣ୍ଡର କାରଣ ଅସ୍ପଷ୍ଟ ଥିବା ବେଳେ ପୂର୍ବ ଶତ୍ରୁତାକୁ ନେଇ ହତ୍ୟାକାଣ୍ଡ ହୋଇଥିବା ସନ୍ଦେହ କରାଯାଉଛି ।

Leave a Reply

Your email address will not be published. Required fields are marked *

Close Bitnami banner