ଫେସ୍‌ବୁକ୍‌ରୁ ଭାରତୀୟଙ୍କ ତଥ୍ୟ ଚୋରି ମାମଲା, କେମ୍ବ୍ରିଜ୍‌ ଆନାଲିଟିକା ନାଁରେ CBIର ମାମଲା ରୁଜୁ

1 min read

ନୂଆଦିଲ୍ଲୀ: ପୁଣି ଫେରିଲା କେମ୍ବ୍ରିଜ ଆନାଲିଟିକା ତଥ୍ୟ ଚୋରି ପ୍ରସଙ୍ଗ । ଆକ୍ସନ ମୋଡ୍‌ରେ ସିବିଆଇ । ବେଆଇନ ଭାବେ ଭାରତୀୟ ଫେସ୍‌ବୁକ୍‌ ବ୍ୟବହାରକାରୀଙ୍କ ତଥ୍ୟ ଚୋରି ଅଭିଯୋଗରେ କେମ୍ବ୍ରିଜ୍‌ ଆନାଲିଟିକା ନାଁରେ ମାମଲା ରୁଜୁ କଲା ସିବିଆଇ । ଘଟଣାରେ ଇଂଲଣ୍ଡର ଅନ୍ୟ ଏକ ପ୍ରତିଷ୍ଠାନ ଗ୍ଲୋବାଲ୍‌ ସାଇନ୍‌ସ୍‌ ରିସର୍ଚ୍ଚ ନାଁରେ ବି ସିବିଆଇ ମାମଲା ରୁଜୁ କରିଥିବା ସୂଚନା ରହିଛି ।

ଫେସ୍‌ବୁକ୍‌ କେମ୍ବ୍ରିଜ୍‌ ଆନାଲିଟିକା ତଥ୍ୟ ଚୋରି ମାମଲାର ସିବିଆଇ ତଦନ୍ତ ହେବ ବୋଲି ପୂର୍ବରୁ କେନ୍ଦ୍ର ସୂଚନା ଓ ପ୍ରଯୁକ୍ତି ବିଦ୍ୟା ମନ୍ତ୍ରୀ ରବିଶଙ୍କର ପ୍ରସାଦ ସଂସଦରେ ସୂଚନା ଦେଇଥିଲେ । ସିବିଆଇରେ ଅଭିଯୋଗ ପରେ ଫେସ୍‌ବୁକ୍‌ କହିଥିଲା, ଗ୍ଲୋବାଲ୍‌ ସାଇନ୍‌ସ୍‌ ରିସର୍ଚ୍ଚ ବେଆଇନ ଭାବେ ଭାରତର ଫେସବୁକ୍ ବ୍ୟବହାରକାରୀଙ୍କ ବ୍ୟକ୍ତିଗତ ତଥ୍ୟ ସଂଗ୍ରହ କରି କେମ୍ବ୍ରିଜ୍‌ ଆନାଲିଟିକାକୁ ଦେଇଛି ।

ଭାରତରେ ନିର୍ବାଚନକୁ ପ୍ରଭାବିତ କରିବା ପାଇଁ କେମ୍ବ୍ରିଜ୍‌ ଆନାଲିଟିକା ଏହି ତଥ୍ୟକୁ ବ୍ୟବହାର କରିଥିବା ଉଲ୍ଲେଖ କରିଛି ଫେସ୍‌ବୁକ୍‌ । ବିନା ଅନୁମତିରେ ଲକ୍ଷ ଲକ୍ଷ ବ୍ୟବହାରକାରୀଙ୍କ ଫେସ୍‌ବୁକ୍‌ ପ୍ରୋଫାଇଲ୍‌ରୁ ବ୍ୟକ୍ତିଗତ ସୂଚନା ସଂଗ୍ରହ କରିଛି ବୋଲି ୨୦୧୮ ମାର୍ଚ୍ଚରେ ଏକାଧିକ ଆନ୍ତର୍ଜାତିକ ଗଣମାଧ୍ୟମ କେମ୍ବ୍ରିଜ୍‌ ଆନାଲିଟିକା ବିରୋଧରେ ରିପୋର୍ଟ କରିଥିଲେ । ଅଭିଯୋଗ ପରେ କେମ୍ବ୍ରିଜ୍‌ ଆନାଲିଟିକା ଓ ଗ୍ଲୋବାଲ୍‌ ସାଇନ୍‌ସ୍‌ ରିସର୍ଚ୍ଚ ବିରୋଧରେ ପ୍ରାଥମିକ ତଦନ୍ତ ଆରମ୍ଭ କରିଛି ସିବିଆଇ ।

Opn Commnet Area

Leave a Reply

Your email address will not be published. Required fields are marked *

Close Bitnami banner