ସୁଶାନ୍ତ ସିଂ ରାଜପୁତଙ୍କ କାର୍ବନ କପି ସେୟାର କଲେ ଫଟୋ, ବାୟୋପିକରେ ଆସିବେ ନଜର ?

ମୁମ୍ବାଇ: ବଲିଉଡ ଅଭିନେତା ସୁଶାନ୍ତ ସିଂ ରାଜପୁତଙ୍କ ଅନେକ ପୁରୁଣା ଭିଡିଓକୁ ଏବେ ଦର୍ଶକ ସୋସିଆଲ ମିଡିଆରେ ଦେଖି ତାଙ୍କୁ ମନେ ପକାଉଛନ୍ତି । ଏହି ସମୟରେ ସୁଶାନ୍ତ ସିଂ ରାଜପୁତଙ୍କ ଭଳି ଦେଖାଯାଉଥିବା ଜଣେ ବ୍ୟକ୍ତି ପୁଣି ଥରେ ଚର୍ଚ୍ଚାରେ ଅଛନ୍ତି। ଏହି ବ୍ୟକ୍ତିଙ୍କ ନାଁ ହେଉଛି ସଚିନ ତିୱାରୀ, ଯିଏ ପୂର୍ବରୁ ମଧ୍ୟ ସୁଶାନ୍ତଙ୍କ କାର୍ବନ କପି ଭାବେ ଜବରଦସ୍ତ ଚର୍ଚ୍ଚାରେ ଥିଲେ । ବର୍ତ୍ତମାନ ସଚିନଙ୍କ ଏକ ନୂଆ ଫଟୋ ଭାଇରାଲ ହୋଇଛି । ଏହି ଫଟୋ ଦେଖିବା ପରେ ସମସ୍ତେ ଆଚମ୍ବିତ ହୋଇଛନ୍ତି । କେବଳ ସେତିକି ନୁହେଁ ଦର୍ଶକ ସୁଶାନ୍ତଙ୍କ ବାୟୋପିକରେ କାମ କରିବାକୁ ମଧ୍ୟ ସଚିନ୍ ଙ୍କୁ ପରାମର୍ଶ ଦେଉଛନ୍ତି ।

ବାସ୍ତବରେ, ସଚିନ ତିୱାରୀ ନିଜ ଇନଷ୍ଟାଗ୍ରାମ ଆକାଉଣ୍ଟରେ ନିଜର ଏକ ନୂଆ ଫଟୋ ସେୟାର କରିଛନ୍ତି । ସଚିନଙ୍କ ଏହି ଫଟୋରେ ଅନେକ ଦର୍ଶକ କମେଣ୍ଟ ଦେଇଛନ୍ତି । କିଛି ଜଣ ସୁଶାନ୍ତ ସିଂ ରାଜପୁତଙ୍କ ବାୟୋପିକରେ କାମ କରିବାକୁ ସଚିନଙ୍କୁ ପରାମର୍ଶ ଦେଉଥିବା ନଜର ଆସିଛନ୍ତି । କିନ୍ତୁ ସଚିନ ନିଜେ ଏହି ଫଟୋରେ କୌଣସି କମେଣ୍ଟ ଦେଇନାହାନ୍ତି ।

https://www.instagram.com/p/CCyydW4p6ab/?utm_source=ig_embed

ସଚିନ ତିୱାରୀଙ୍କ ଏହି ଫଟୋରେ ଜଣେ ତାଙ୍କୁ ପବିତ୍ର ରିସ୍ତାରେ ମାନଭ ବୋଲି କହିଛନ୍ତି । କିଛି ଜଣ ତାଙ୍କୁ ଇଣ୍ଡଷ୍ଟ୍ରିରେ କାମ କରିବା ପାଇଁ ଅଫର ମଧ୍ୟ କରିଥିଲେ । ଲୋକମାନେ ତାଙ୍କୁ ଫିଲ୍ମରେ ଅଭିନୟ କରିବାକୁ ପରାମର୍ଶ ଦେଇଛନ୍ତି। ଲୋକଙ୍କ କମେଣ୍ଟ ଯୋଗୁଁ ସଚିନଙ୍କ ଏହି ଫଟୋ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି। ଆସନ୍ତୁ ଜାଣିବା ସଚିନଙ୍କର ଅନେକ ଟିକଟକ ଭିଡିଓ ମଧ୍ୟ ଭାଇରାଲ ହୋଇଥିଲା। ପ୍ରଥମେ ଇଣ୍ଟରନେଟରେ ତାଙ୍କ ଫଟୋ ଭାଇରାଲ ହେବା ପରେ ସମସ୍ତେ ଆଶ୍ଚର୍ଯ୍ୟ ହୋଇଥିଲେ। ଏବେ ସଚିନ ସୁଶାନ୍ତଙ୍କ ଭଳି ହେୟାର ଷ୍ଟାଇଲ କରିଛନ୍ତି। ସେଥିପାଇଁ ଏବେ ସେ ପୁରା ସୁଶାନ୍ତଙ୍କ କାର୍ବନ କପି ଲାଗୁଛନ୍ତି ।