ଦୀପାବଳି ପାଇଁ ରାସ୍ତାକଡ଼ରେ ବିକି ପାରିବେନି ଦୀପ, ମହମବତୀ

1 min read
BMC Put Restrictions On Road Site Selling Of Mahambati And Diwa Amid Corona

ଭୁବନେଶ୍ୱର: ରାଜ୍ୟ ସହ ରାଜଧାନୀରେ କରୋନା ସଂକ୍ରମଣ ତଳମୁହାଁ ହୋଇଛି । ତେବେ, ବିଶ୍ୱ ସ୍ତରରେ ଦେଖିଲେ ପୁଣି ଥରେ କରୋନା ଫେରୁଛି । ଦେଶର ରାଜଧାନୀ ଦିଲ୍ଲୀରେ ପୁଣି ସଂକ୍ରମଣ ବଢ଼ିଛି । ଶୀତ ଦିନ କୋଭିଡ୍ ସଂକ୍ରମଣ ବଢିବା ନେଇ ଆଶଙ୍କା କରାଯାଉଛି । ତେଣୁ ସତର୍କ ରହିବାକୁ ବିଶେଷଜ୍ଞ ପରାମର୍ଶ ଦେଇଛନ୍ତି । ଆଗକୁ ଦୀପାବଳି ଆସୁଛି । ଦୀପାବଳିରେ ବିଏମସିର ଗାଇଡଲାଇନ୍ ନେଇ ବିଏମସି କମିଶନର ପ୍ରେମ ଚନ୍ଦ୍ର ଚୌଧୁରୀ ସୂଚନା ଦେଇଛନ୍ତି ।

BMC Put Restrictions On Road Site Selling Of Mahambati And Diwa Amid Corona

ବାଣ ବିକ୍ରି ଓ ଫୁଟାଇବା ଲାଗି ରାଜଧାନୀରେ କଟକଣା ଲାଗୁ ହୋଇଛି । ଯଦି କୌଣସି ବ୍ୟବସାୟୀ କିମ୍ବା ବ୍ୟକ୍ତି ଉଲ୍ଲଂଘନ କରନ୍ତି, ତେବେ ତାଙ୍କ ବିରୋଧରେ କାର୍ଯାନୁଷ୍ଠାନ ହେବ । ଏପରିକି କେହି ରୋଡ୍ ସାଇଡରେ ଦୀପ, ମହମବତୀ ମଧ୍ୟ ବିକି ପାରିବେ ନାହିଁ । ବିକ୍ରି ନେଇ ନିର୍ଦ୍ଦିଷ୍ଟ ସ୍ଥାନ ନିରୂପଣ କରାଯାଇଛି । ସେଥିପାଇଁ ଅନୁମତି ନେବାକୁ ପଡ଼ିବ । ଅସ୍ଥାୟୀ ଦୋକାନ ପାଇଁ ସ୍ଥାନ ଚିହ୍ନଟ ହୋଇଛି, ଜେଡିସି ପାଖରେ ଆବେଦନ କରିବାକୁ ପଡ଼ିବ । ଚେକିଂ ଓ ଅନୁଧ୍ୟାନ ପାଇଁ ୫ଟି ଏନଫୋର୍ସମେଣ୍ଟ ସ୍କ୍ୱାଡ୍ ଗଠନ କରାଯାଇଥିବା ବିଏମସି କମିଶନର ସୂଚନା ଦେଇଛନ୍ତି ।

BMC Put Restrictions On Road Site Selling Of Mahambati And Diwa Amid Corona

ସେହଭଳି ବିବାହ ଋତୁକୁ ଲକ୍ଷ୍ୟ କରି ହୋଟେଲ ଏବଂ ମଣ୍ଡପ ପାଇଁ ଏସଓପି ଜାରି ହୋଇଛି । ବାହାଘରରେ ୨୦୦ ଜଣ ଯୋଗ ଦେଇପାରିବେ । ଥଣ୍ଡା, ଜ୍ୱର ଭଳି କିଛି ଲକ୍ଷଣ ଥିଲେ ବାହାଘରରେ ସାମିଲ୍ ହୋଇପାରିବେ ନାହିଁ । ବିବାହ ମଣ୍ଡପରେ ସାନିଟାଇଜର ରଖିବା ସହ ୨ ମିଟର ସାମାଜିକ ଦୂରତା ରକ୍ଷା କରାଯିବ । ଥାନାରୁ ଓ ସ୍ଥାନୀୟ ଅଧିକାରୀ ଦେଇଥିବା ଅନୁମତି ଅନୁସାରେ ବିଏମସି ମନିଟର କରିବ । ବିଏମସି କର୍ମଚାରୀ ଯାଇ ଚେକିଂ କରିବେ ।

Opn Commnet Area

Leave a Reply

Your email address will not be published. Required fields are marked *

Close Bitnami banner