‘କୋଭିଡ ସଂକ୍ରମଣରୁ ମୁକ୍ତ ହେବା ପରେ ସ୍ୱାସ୍ଥ୍ୟ ପ୍ରତି ରୁହନ୍ତୁ ସତର୍କ’

1 min read

ଭୁବନେଶ୍ୱର:ରାଜ୍ୟରେ କୋଭିଡ଼ ସଂକ୍ରମଣ ହ୍ରାସ ପାଇଛି । ହେଲେ କୋଭିତ ସଂକ୍ରମଣ ପରବର୍ତ୍ତୀ ସ୍ୱାସ୍ଥ୍ୟବସ୍ଥା ଉପରେ ରାଜ୍ୟ ସରକାର ଯଥେଷ୍ଟ ଗୁରୁତ୍ୱ ଦେଉଛନ୍ତି । ସଂକ୍ରମଣରୁ ମୁକ୍ତ ହେବା ପରେ କିପରି ସ୍ୱାସ୍ଥ୍ୟର ଯତ୍ନ ନିଆଯିବ, ସେ ନେଇ ଡାକ୍ତରୀ ପରାମର୍ଶ ଜାରି ରହିଛି । ସେହିକ୍ରମରେ ବୁଧବାର କର କ୍ଲିନିକ ଡାକ୍ତର ନୀରଜ ମିଶ୍ର ଏବଂ ଆଦିତ୍ୟ ଅଶ୍ୱିନୀ ହସ୍ପିଟାଲର ଡାକ୍ତର ମାନସ ନାୟକ ରାଜ୍ୟବାସୀଙ୍କୁ ଉଦବୋଧନ ଦେଇଛନ୍ତି ।

Bharat Biotech Covaxin Adjuvant Alhydroxiquim For Better Immune Response
ଡାକ୍ତର ନୀରଜ ମିଶ୍ର କହିଛନ୍ତି ଯେ, କୋଭିଡ ସଂକ୍ରମଣରୁ ମୁକ୍ତ ହୋଇଥିବା କେତେକ ରୋଗୀ ପରବର୍ତ୍ତୀ ସ୍ୱାସ୍ଥ୍ୟ ସମସ୍ୟା ଭୋଗୁଛନ୍ତି । ଆମ ରାଜ୍ୟର ପ୍ରାୟ ୩୫ ପ୍ରତିଶତ ରୋଗୀ ୧୮ରୁ ୩୫ ବୟସ ମଧ୍ୟରେ । ସେହିପରି ୫୦ରୁ ଅଧିକ ବୟସ୍କ ରୋଗୀମାନେ ମଧ୍ୟ ଜଟିଳତା ଅନୁଭବ କରୁଛନ୍ତି ।ବିଶେଷ କରି ଯେଉଁ ମାନଙ୍କର ଉଚ୍ଚ ରକ୍ତଚାପ, ମେଦ ବହୁଳତା ଇତ୍ୟାଦି ରହିଛି । ସେମାନେ କୋଭିଡ ପରବର୍ତ୍ତୀ ସମସ୍ୟା ଭୋଗୁଛନ୍ତି ବୋଲି ଡାକ୍ତର କହିଥିଲେ । ସେହିଭଳି କେତେକଙ୍କୁ ହାଲିଆ ହେବା, କାମ କରିବାକୁ ଇଚ୍ଛା ନ ହେବା, ସ୍ୱାଦ ଓ ଘ୍ରାଣ ଶକ୍ତି ଚାଲିଯିବା ସମସ୍ୟା ଜାରି ରହିବ । ୟୁରୋପରେ ଅର୍ଥନୀତି ଗତିବିଧି ଜାରି ରହିବାରୁ ପବ୍ , ବାର, ସୁଇମିଂପୁଲ, ସ୍କୁଲ-କଲେଜ ଇତ୍ୟାଦି ଖୋଲି ଗଲା । ସାମାଜିକ ଦୂରତା ଭାଙ୍ଗିବା ଦ୍ୱାରା ୟୁରୋପରେ ସଂକ୍ରମଣର ଦ୍ୱିତୀୟ ଲହର ଆସିଥିବା କୁହାଯାଉଛି । ତେଣୁ ଆମକୁ ମଧ୍ୟ ସତର୍କ ରହିବାକୁ ପଡିବ ।

ସେହିପରି ଡାକ୍ତର ମାନସ ନାୟକ କହିଥିଲେ ଯେ, ଭଲ ହୋଇଯିବା ପରେ କେତେକ ସାଧାରଣ ସମସ୍ୟା ନେଇ କୋଭିଡ ସଂକ୍ରମିତ ରୋଗୀ ଡାକ୍ତରଖାନା ଆସୁଛନ୍ତି । ସାମାନ୍ୟ ପରାମର୍ଶ ନେବା ପରେ ସେମାନେ ଠିକ୍ ହୋଇ ଯାଉଛନ୍ତି । କେତେକ ମନସ୍ତତ୍ତ୍ୱ ଦୃଷ୍ଟିକୋଣରୁ ଭାଙ୍ଗି ପଡୁଛନ୍ତି । ତେଣୁ ସେମାନେ ଅସୁସ୍ଥ ଅନୁଭବ କରୁଛନ୍ତି । ଯେଉଁମାନେ କୋଭିଡ଼ ସଂକ୍ରମିତ ଥିବା ସମୟରେ ଭେଣ୍ଟିଲେଟର, ଅକ୍ସିଜେନ ଇତ୍ୟାଦି ଆବଶ୍ୟକ କରୁଥିଲେ । ସେମାନଙ୍କୁ କୋଭିଡ଼ ପରବର୍ତ୍ତୀ ଚିକିତ୍ସା ଅଧିକ ଆବଶ୍ୟକ ହେଉଅଛି ।

 

Leave a Reply