ଦିଲ୍ଲୀରେ ଚେନ୍ନାଇ ପ୍ଲାନ, ତାମିଲନାଡ଼ୁ ନିର୍ବାଚନ ପାଇଁ AIADMK ଓ ଶଶିକଳା ମିଶ୍ରଣ ନେଇ କଥାବାର୍ତ୍ତା ଆରମ୍ଭ

ମୁମ୍ବାଇ: ଭାରତୀୟ ଜନତା ପାର୍ଟି ଦକ୍ଷିଣ ଭାରତରେ କ୍ଷମତାକୁ ଆସିବା ପାଇଁ ପ୍ଲାନିଂ ଆରମ୍ଭ କରିଛି । ପ୍ରଥମ ନଜର ରହିଛି ତାମିଲନାଡ଼ୁ ଉପରେ । ତାମିଲନାଡ଼ୁରେ ୨୦୨୧ ମସିହାରେ ହେବ ବିଧାନସଭା ନିର୍ବାଚନ । ଆଉ ସଶିକଳାନ ୨୦୨୧ ଜାନୁଆରୀରେ ଆୟରୁ ଅଧିକ ସମ୍ପତ୍ତି ମାମଲାରେ ଜେଲରୁ ବାହାରିବେ । ଆଶା କରାଯାଉଛି ଶଶିକଳାଙ୍କ ଗୋଷ୍ଠୀର AMMK, AIADMKରେ ମିଶିଯିବ । ଏବେ ବିଜେପି ଏହା ଉପରେ କାମ ଆରମ୍ଭ କରିଛି ।

ଶଶିକଳାଙ୍କ ଅନୁପସ୍ଥିତିରେ AMMKର ଭାର ସମ୍ଭାଳିଥିବା ଟିଟିଭି ଦିନାକରଣ ଦୁଇ ଦିନ ତଳେ ଦିଲ୍ଲୀ ଯାଇଥିଲେ । କୁହାଯାଉଛି ଦିଲ୍ଲୀ ଗସ୍ତ ବେଳେ ସେ ବିଜେପିର ବରିଷ୍ଠ ନେତାଙ୍କ ସହ ଆଲୋଚନା କରିଛନ୍ତି । ଏବେ କ୍ଷମତାରେ ଥିବା AIADMKକୁ ନିର୍ବାଚନରେ DMK ସହ କଡ଼ା ପ୍ରତିଯୋଗିତାର ସାମନା କରିବାକୁ ପଡ଼ିପାରେ । ଆଉ ଏଆଇଏଡିଏମକେ ମୁଖ୍ୟ ଜୟଲଳିତାଙ୍କ ମୃତ୍ୟୁ ପରେ ପ୍ରଥମ ଥର ଦଳ ପ୍ରତିଯୋଗିତାର ସାମନା କରୁଛି ।

ଜୟଲଳିତାଙ୍କ ମୃତ୍ୟୁ ପରେ AIADMKରେ ପନିରସେଲଭମ୍ ଓ ପଲାନିସ୍ୱାମୀ ଗୋଷ୍ଠୀ କ୍ଷମତା ଦଖଳ କରିଥିଲେ । ଶଶିକଳା ସହଯୋଗୀଙ୍କ ସହ ଅଲଗା ହୋଇ ଯାଇଥିଲେ । କୁହାଯାଉଛି ଏହା ପଛରେ ବି ବିଜେପିର ହାତ ଥିଲା । ଖବର ମୁତାବକ ୨୦୨୧ରେ ଶଶିକଳା ବେଙ୍ଗଳୁରୁ ଜେଲରୁ ମୁକୁଳିବେ । ଏହା ପୂର୍ବରୁ କଥାବାର୍ତ୍ତା ଆରମ୍ଭ ହୋଇଯାଇଛି ।

ସୂତ୍ରରୁ ମିଳିଥିବା ସୂଚନା ମୁତାବକ କଥାବାର୍ତ୍ତା ସଫଳ ହେଲେ ଦିନାକରଣ ଓ ଶଶିକଳାଙ୍କୁ ଖୁବଶୀଘ୍ର ଆଶ୍ୱସ୍ତି ମିଳିବ । ତେବେ, ଦିନାକରଣଙ୍କ କହିବା କଥା ତାଙ୍କ ମାଉସୀ ଶଶିକଳାଙ୍କୁ ଦଳର ମହାସଚିବ କରିବା ସହ ଗୁରୁତ୍ୱପୂର୍ଣ୍ଣ ପଦ ଦିଆଯାଉ । ମୁଖ୍ୟମନ୍ତ୍ରୀ ଓ ଉପ ମୁଖ୍ୟମନ୍ତ୍ରୀ ପଦରେ ପଲାନିସ୍ୱାମୀ ଓ ପନିରସେଲଭମ୍ ରହିଲେ ମଧ୍ୟ ଦଳର କ୍ଷମତା ଶଶିକଳାଙ୍କ ପାଖରେ ରହିବ ।

ଶଶିକଳାଙ୍କ ଦଳ ସହ କଥାବାର୍ତ୍ତା ନେଇ ବିଜେପିର ଜଣେ ବରିଷ୍ଠ ନେତା ନିଜ ପ୍ରତିକ୍ରିୟା ରଖଛନ୍ତି । AIADMK ଏକଜୁଟ୍ ହୋଇ DMK ସହ ଲଢିବା ଦରକାର । ଶଶିକଳା ସଜ୍ଜା କାଟି ସାରିଥିବାରୁ ସେ ଏବେ ଅଛୁଆଁ ନୁହନ୍ତି । ଆୟରୁ ଅଧିକ ସମ୍ପତ୍ତି ମାମଲାରେ ଶଶିକଳାଙ୍କୁ ୪ ବର୍ଷ ଜେଲ୍ ଦଣ୍ଡାଦେଶ ହୋଇଥିଲା । ୨୦୧୭ ଫେବ୍ରୁଆରୀରେ ଜୟଲଳିତା ମୃତ୍ୟୁର ମୁଖ୍ୟ ଅଭିଯୁକ୍ତ ଥିଲେ ।

ଦଳର ନେତୃତ୍ୱ ପୁଣି ସୁରକ୍ଷିତ ହାତକୁ ଫେରି ଆସିଲେ ମିଶ୍ରଣ ସମ୍ଭବ ବୋଲି କହିଛନ୍ତି ଏଏମଏମକେ କୋଷାଧ୍ୟକ୍ଷ ଓ ଶଶିକଳାଙ୍କ ବିଶ୍ୱସ୍ତ ପି. ବିଟ୍ରେବଲ । ସେ ଆହୁରି କହିଛନ୍ତି- AIADMK ସମ୍ପୂର୍ଣ୍ଣ ରୂପେ ଭାଙ୍ଗି ଯାଇଛି । କେବଳ ଶଶିକଳା ଓ ଦିନାକରଣଙ୍କ ଭଳି ନେତା ଦଳକୁ ପୁନର୍ଜୀବିତ କରିପାରିବେ । ସର୍ତ୍ତକୁ ପୂରଣ କରିବା ପାଇଁ ବିନା ଆଲୋଚନାର କୌଣସି ପ୍ରଶ୍ନ ଉଠୁନାହିଁ ।