ବିଜେପି ନେତାଙ୍କ ଅକଲ ଗୁଡୁମ୍, ଅସଲି ନେତାଙ୍କ ଟିକେଟ୍ ନେଇ ଉଡନ’ଛୁ ମାରିଲେ କର୍ମୀ

1 min read

ପାଟଣା : ରାଜନୀତିରେ କେବେ କେବେ ଦଳର କର୍ମୀମାନେ ମଧ୍ୟ ନେତାମାନଙ୍କୁ ଚକମା ଦେଇ ଦିଅନ୍ତି । ଏମିତି ଏକ ରୋଚକ ଘଟଣା ବିହାରର ରୋସଡା ବିଧାନସଭା କ୍ଷେତ୍ରରେ ଦେଖିବାକୁ ମିଳିଛି । ଯେଉଁଠାରେ, ସମାନ ନାମ ଥିବା କାରଣରୁ ଜଣେ କର୍ମୀ ପ୍ରକୃତ ପ୍ରାର୍ଥୀ ବଦଳରେ ଟିକେଟ ନେଇ ନାମଙ୍କନ ଦାଖଲ କରିବାକୁ ସବଡିଭିଜନ କାର୍ଯ୍ୟାଳୟରେ ମଧ୍ୟ ପହଞ୍ଚିଯାଇଥିଲେ । ସମସ୍ତିପୁର ଜିଲ୍ଲାର ରୋସଡା ଆସନ ଏନଡିଏ ମେଣ୍ଟରେ ବିଜେପି ଖାତାକୁ ଯାଇଥିଲା । ସେଠାରୁ ବିରେନ୍ଦ୍ର କୁମାର ପାସୱାନଙ୍କ ନାମ ପ୍ରାର୍ଥୀ ଭାବରେ ତାଲିକାରେ ପ୍ରକାଶ ପାଇଥିଲା । ଏହି ତାଲିକା ସୋସିଆଲ ମିଡିଆରେ ଭାଇରାଲ ହେବା ମାତ୍ରେ ଏକ ଅଜବ ଘଟଣା ଘଟିଗଲା ।

ବିଜେପି କର୍ମୀମାନେ ନିଜ ନିଜ ନେତାଙ୍କୁ ହିଁ ଚମକାଇ ଦେଇଛନ୍ତି । ବିଜେପି ରାଜ୍ୟ କାର୍ଯ୍ୟାଳୟରେ ପ୍ରାର୍ଥୀମାନଙ୍କ ଧାଡି ଲାଗିଥିଲା । ଏହି ତାଲିକାରେ ବିରେନ୍ଦ୍ର କୁମାର ପାସୱାନଙ୍କ ନାମ ଦେଖି ଦରଭଙ୍ଗା ନିବାସୀ ବିରେନ୍ଦ୍ର ପାସୱାନ ରୋସଡା ବିଧାନସଭା ନିର୍ବାଚନମଣ୍ଡଳୀର ପ୍ରାର୍ଥୀ ବିରେନ୍ଦ୍ର କୁମାର ପାସୱାନ ଭାବେ ଟିକେଟ୍ ଗ୍ରହଣ କରିଥିଲେ । ସେ ଟିକେଟରେ ନିଜ ନାଁ ସହ, ତାଙ୍କ ବାପାଙ୍କ ନାଁ ପୁରଣ କରି ନାମାଙ୍କନ ଦାଖଲ କରିବାକୁ ସାମସ୍ତିପୁର ଜିଲ୍ଲାର ରୋଜଡା ସବଡିଭିଜନ କାର୍ଯ୍ୟାଳୟରେ ପହଞ୍ଚିଥିଲେ ।

ଏ ହେଉଛନ୍ତି ଦରଭଙ୍ଗାର ବିରେନ୍ଦ୍ର ପାସୱାନ୍, ଯିଏ ପ୍ରକୃତ ପ୍ରାର୍ଥୀଙ୍କ ଟିକେଟ ନେଇ ଯାଇଥିଲେ ।

କହିରଖୁଛୁ ଯେ, ବିଜେପି ସାମସ୍ତିପୁରର ବିରେନ୍ଦ୍ର କୁମାର ପାସୱାନଙ୍କୁ ପ୍ରାର୍ଥୀ ଘୋଷଣା କରିଛି । ସୋମବାର ଦଳ ଯେତେବେଳେ ଟିକେଟ ପାଇଁ ପାଟନାରେ ପାର୍ଟି କାର୍ଯ୍ୟାଳୟରେ ପହଞ୍ଚିଥିଲେ ସେତେବେଳେ ତାଙ୍କୁ କୁହାଯାଇଥିଲା ଯେ, ଟିକେଟ ତ ବୀରେନ୍ଦ୍ର କୁମାର ପାସୱାନ୍ ନେଇଯାଇଛନ୍ତି । ଏହା ଶୁଣି ବିଜେପି ନେତାମାନେ ଆଶ୍ଚର୍ଯ୍ୟ ହୋଇଗଲେ ଯେ, ବିରେନ୍ଦ୍ର କୁମାର ପାସୱାନ୍ ତ ଏଇଠି ଅଛନ୍ତି ତେବେ ଟିକେଟ ନେଲା କିଏ ?

ଯେତେବେଳେ ଏହାର ତଦନ୍ତ ଆରମ୍ଭ ହେଲା, ବହୁ ସଂଖ୍ୟାରେ ବିଜେପି କର୍ମୀଙ୍କୁ ରୋସଡା ସବଡିଭିଜନ କାର୍ଯ୍ୟାଳୟକୁ ପଠାଯାଇଥିଲା, ସେତେବେଳେ ସେମାନେ ପୂରା ଘଟାଣା ଜାଣିବାକୁ ପାଇଲେ । ଦରଭଙ୍ଗା ନିବାସୀ ବିରେନ୍ଦ୍ର ପାସୱାନ୍ ଚକମା ଦେଇ ବିଜେପି ଟିକେଟ ନେଇଆସିଥିଲେ । ଏହାପରେ ରାଜ୍ୟ କାର୍ଯ୍ୟାଳୟକୁ ସୂଚନା ଦିଆଯାଇଥିଲା । ତା’ପରେ, ପୂର୍ବରୁ ଟିକେଟକୁ ବାତିଲ୍ କରିବା ପରେ ପ୍ରକୃତ ବିରେନ୍ଦ୍ର କୁମାର ପାସୱାନଙ୍କ ନାଁରେ ନୂଆ ଟିକେଟ ଆସିଥିଲା ।

ବର୍ତ୍ତମାନ ସମସ୍ତିପୁର ବିଜେପି କର୍ମୀମାନେ ସୋସିଆଲ ମିଡିଆରେ ଅସଲି ପ୍ରାର୍ଥୀ ବିରେନ୍ଦ୍ର କୁମାର ପାସୱାନ ଏବଂ ନକଲି ପ୍ରାର୍ଥୀ ବିରେନ୍ଦ୍ର ପାସୱାନଙ୍କ ବିଷୟରେ ଅବଗତ କରାଇ ଏମିତି ଘଟଣାରୁ ବର୍ତ୍ତିବାକୁ ଅନୁରୋଧ କରିଛନ୍ତି ।

Opn Commnet Area

Leave a Reply

Your email address will not be published. Required fields are marked *

Close Bitnami banner