ନିର୍ବାଚନରେ ହାରିଥିବା ପ୍ରାର୍ଥୀଙ୍କୁ ଭୋଟର ଦେଲେ ୨୧ ଲକ୍ଷ ଟଙ୍କା !
ଯୋଧପୁର: ନିର୍ବାଚନ ଜିତି ସାରିବା ପରେ ମତଦାତାଙ୍କୁ ଧନ୍ୟବାଦ ଜଣାଇବା ପାଇଁ ସଭା ଆୟୋଜନ ହେବା କଥା ତ ଆପଣ ଶୁଣିଥିବେ । କିନ୍ତୁ ଯୋଧପୁର ଜିଲ୍ଲା ପିପାଡ଼ ତହସିଲରେ ପଞ୍ଚାୟତ ନିର୍ବାଚନ ପରେ ଏକ ବିଚିତ୍ର ଦୃଶ୍ୟ ଦେଖିବାକୁ ମିଳିଥିଲା । ସେଠାରେ ନିର୍ବାଚନରେ ହାରିବା ପରେ ଜଣେ ପ୍ରାର୍ଥୀ ଧନ୍ୟବାଦ ସଭା ଆୟୋଜନ କରିଥିଲେ । ମତଦାତାଙ୍କୁ ଏହି ଧନ୍ୟବାଦ ସମାରୋହରେ ନିମନ୍ତ୍ରଣ ଦେବା ସହ ଭୋଜିର ଆୟୋଜନ ମଧ୍ୟ କରାଯାଇଥିଲା । ନିର୍ବାଚନରେ ହାରିଥିବା ପ୍ରାର୍ଥୀଙ୍କ ଦ୍ୱାରା ଆୟୋଜିତ ଧନ୍ୟବାଦ ସଭା ପରେ ଗ୍ରାମୀଣ ଭୋଟର ବିଚଳିତ ହୋଇଯାଇଥିଲେ । ଏମିତିକି ଗ୍ରାମବାସୀ ମାନେ ଏପରି କିଛି କରିଥିଲେ ଯାହା ପୂର୍ବରୁ କେବେ ଦେଖିବାକୁ ମିଳିନଥିଲା ।
ବିବାହ ସମାରୋହ ଭଳି ହୋଇଥିଲା ଆୟୋଜନ
ସୂଚନା ଅନୁଯାୟୀଏହି ଧନ୍ୟବାଦ ସଭାର ଦୃଶ୍ୟ କୌଣସି ବିବାହ ସମାରୋହଠୁ କମ୍ ନଥିଲା । ଢୋଲ ବାଇଦ ସହ ଏହି ସମାରୋହ ସମାପ୍ତ ହୋଇଥିଲା । ଏହି ଅବସରରେ ୱାର୍ଡ ମେମ୍ବର ମାନେ ପ୍ରାର୍ଥୀଙ୍କୁ ପୁଷ୍ପମାଳ ଅର୍ପଣ କରିଥିଲେ ।
ପୂର୍ବତନ ସରପଞ୍ଚ ମଧ୍ୟ କଲେ ଆର୍ଥିକ ସହାୟତା
ମିଳିଥିବା ସୂଚନା ଅନୁଯାୟୀ ମୁକୁନ୍ଦ ଦେବସିଙ୍କ ପରିବାର ବନ୍ଧୁ ଶ୍ୟାମ ଚୌଧୁରୀ ତାଙ୍କୁ ସେଠାରେ ୫ ଲକ୍ଷ ୫୧ ହଜାର ଟଙ୍କା ସାହାଯ୍ୟ କରିଥିଲେ । ପୂର୍ବତନ ସରପଞ୍ଚ ଭାନାରାମ ୧ ଲକ୍ଷ ୧୧ ହଜାର ଟଙ୍କା ସହାୟତା କରିଥିଲେ। ଏହା ପରେ ଗାଁର ବରିଷ୍ଠ ଲୋକମାନେ ସରପଞ୍ଚ ପ୍ରାର୍ଥୀ ଏବଂ ତାଙ୍କ ପରିବାରକୁ ଏହି ରାଶି ପ୍ରଦାନ କରିଥିଲେ ।
ମତଦାତା ଏହାକୁ ଦେଖି ଆର୍ଥିକ ସାହାଯ୍ୟ କରିବା ପାଇଁ ନେଲେ ନିଷ୍ପତ୍ତି
ଧନ୍ୟବାଦ ସଭାରେ ପହଞ୍ଚିଥିବା ମତଦାତା ପରାଜିତ ପ୍ରାର୍ଥୀଙ୍କୁ ଆର୍ଥିକ ସାହାଯ୍ୟ କରିବା ପାଇଁ ନିଷ୍ପତ୍ତି ନେଲେ ଏବଂ ସେଠାରେ ଉପସ୍ଥିତ ସମସ୍ତେ ତତକ୍ଷଣାତ ୨୧ ଲକ୍ଷ ଟଙ୍କା ଏକତ୍ର କଲେ ।
ମତଦାତାଙ୍କ ଠାରୁ ମିଳିଥିବା ସମର୍ଥନ ପାଇଁ କିଛି କରିବାକୁ ଚାହୁଁଥିଲେ ମୁକୁନ୍ଦ ଦିବାସୀ
ସୂଚନା ଅନୁଯାୟୀ ପୀପାଡ ତହସିଲର ନାନଣ ଗାଁରେ ପଞ୍ଚାୟତ ନିର୍ବାଚନରେ ମୁକୁନ୍ଦ ଦିବାସୀ, ସୁନ୍ଦରୀ ଦେବୀଙ୍କ ଠାରୁ ମାତ୍ର ୮୪ ଭୋଟରେ ହାରିଥିଲେ । ମୁକୁନ୍ଦ ଦିବାସୀଙ୍କ ମନୋବଳ ଯଥେଷ୍ଟ୍ର ହ୍ରାସ ପାଇଯାଇଥିଲା । କିନ୍ତୁ ଏତେ ଭାରି ସଂଖ୍ୟାରେ ମିଳିଥିବା ଭୋଟ ପାଇଁ ମତଦାତାଙ୍କୁ ଧନ୍ୟବାଦ ଦେବାକୁ ଚାହୁଁଥିଲେ ମୁକୁନ୍ଦ । ଏହାପରେ ସେ ଏକ ଧନ୍ୟବାଦ ସଭା ଆୟୋଜନ କରିଥିଲେ ।
