କରୋନାକୁ ବ୍ରେକ୍ ଦେବାକୁ ସମରସଜ୍ଜା, ୪ ଜିଲ୍ଲା ଓ ରାଉରକେଲାରେ ବଦଳିଲା ବ୍ୟାଙ୍କ ଖୋଲିବା ସମୟ

1 min read
Bank Timings Changed In 4 Districts & Rourkela For 14 days Lockdown
Spread the love

ଭୁବନେଶ୍ୱର: ଲକଡାଉନରେ ଥିବା ୪ ଜିଲ୍ଲା ଓ ରାଉରକେଲାରେ ବଦଳିଲା ବ୍ୟାଙ୍କ ଖୋଲିବା ସମୟ । ସକାଳ ୮ଟାରୁ ଦିନ ୨ଟା ଯାଏଁ ବ୍ୟାଙ୍କ ଖୋଲା ରହିବ । ବ୍ୟାଙ୍କ ଖୋଲିବା ନେଇ ସ୍ୱତନ୍ତ୍ର ରିଲିଫ କମିଶନର ନିର୍ଦ୍ଦେଶାବଳୀ ଜାରି କରିଛନ୍ତି । ଏହା ଅନୁସାରେ ସର୍ବାଧିକ ୫୦ ପ୍ରତିଶତ କର୍ମଚାରୀରେ ବ୍ୟାଙ୍କ ଖୋଲିବ । ସାମାଜିକ ଦୂରତା ନିୟମକୁ କଡ଼ାକଡ଼ି ଭାବେ ପାଳନ କରାଯିବ । ଆଜିଠୁ ଜୁଲାଇ ୩୧ ଯାଏ ନିୟମ ବଳବତ୍ତର ରହିବ ।

କରୋନା ସଂକ୍ରମଣକୁ ରୋକିବା ପାଇଁ ସରକାର ଅନେକ ପଦକ୍ଷେପ ଗ୍ରହଣ କରୁଛନ୍ତି । ଗଞ୍ଜାମ, ଖୋର୍ଦ୍ଧା, କଟକ ଓ ଯାଜପୁର ଜିଲ୍ଲା ସହ ରାଉରକେଲା ସହରରେ ଜୁଲାଇ ୩୧ ଯାଏଁ ଲକଡାଉନ୍ ଘୋଷଣା କରାଯାଇଛି । ଚଳିତ ମାସ ୧୭ ତାରିଖ ରାତି ୯ଟାରୁ ଏହି ୧୪ ଦିନିଆ ଲକଡାଉନ୍ ଘୋଷଣା କରାଯାଇଥିଲା । ତେବେ ଲକଡାଉନ ବେଳେ ସକାଳ ୬ ଟାରୁ ଦିନ ୧ ଟା ପର୍ଯ୍ୟନ୍ତ ଗ୍ରୋସରୀ, ଫଳ, ପରିବା ଓ ଆମିଷ ଦୋକାନ ଖୋଲାରହିଛି ।

ଅନ୍ୟପଟେ ଔଷଧ ଦୋକାନ, ପେଟ୍ରୋଲ ପମ୍ପ ଭଳି ଅତ୍ୟାବଶ୍ୟକ ସାମଗ୍ରୀ ଦୋକାନ ଖୋଲା ରହିବ । ଜୋମାଟୋ, ସ୍ୱିଗି ଭଳି ବିଭିନ୍ନ ଖାଦ୍ୟ ଯୋଗାଣକାରୀ ସଂସ୍ଥା କାର୍ଯ୍ୟ ଜାରି ରଖିବେ । ଜୁଲାଇ ୩୧ ତାରିଖ ମଧ୍ୟରାତ୍ରୀ ଯାଏଁ ଏହି ସବୁ ଜିଲ୍ଲା ସମ୍ପୂର୍ଣ୍ଣ ବନ୍ଦ ରହିବ । ସରକାର ଜାରି କରିଥିବା ଲକଡାଉନ ପାଇଁ ସବୁଠି କଡ଼ାକଡି ନିୟମ ମଧ୍ୟ ପାଳନ କରାଯାଉଛି ।

Leave a Reply

Your email address will not be published. Required fields are marked *

Close Bitnami banner