କରୋନା ପଜିଟିଭ୍ ଯୁବତୀଙ୍କୁ ଆମ୍ବୁଲାନ୍ସ ଚାଳକଙ୍କ ଦୁଷ୍କର୍ମ !

1 min read

କୋଚି: ମହାମାରୀ କରୋନା କାୟା ମେଲାଇ ଚାଲିଥିବା ବେଳେ କେରଳରୁ ଆସିଛି ଲଜ୍ଜାଜନକ ଖବର । ଯେଉଁଠି ଜଣେ ୧୯ ବର୍ଷୀୟ କରୋନା ପୀଡ଼ିତା ଦୁଷ୍କର୍ମର ଶିକାର ହୋଇଥିବା ଅଭିଯୋଗ ହୋଇଛି । ଗୁରୁତ୍ୱପୂର୍ଣ୍ଣ କଥା ହେଉଛି କୋଭିଡ୍ ସେଣ୍ଟରକୁ ନେବାବେଳେ ଖୋଦ୍ ଆମ୍ବୁଲାନ୍ସ ଚାଳକ ହିଁ ରେପ୍ କରିଛନ୍ତି । ଏହାପରେ ଡ୍ରାଇଭର ଜଣକ ଯୁବତୀଙ୍କୁ କୋଭିଡ୍ ସେଣ୍ଟରରେ ଛାଡ଼ି ପଳାଇଥିଲେ । ଅଭିଯୋଗ ପରେ ପୋଲିସ ଅଭିଯୁକ୍ତ ଆମ୍ବୁଲାନ୍ସ ଚାଳକଙ୍କୁ ଗିରଫ କରିଛି ।

ସୂଚନା ଅନୁଯାୟୀ, ପଟନମିଟ୍ଟାର ଅରମମୂଲାରେ ରହୁଥିବା ଜଣେ ଯୁବତୀ କରୋନା ସଂକ୍ରମିତ ହୋଇଥିଲେ । ଏହାପରେ ପରିବାର ଲୋକ ଆମ୍ବୁଲାନ୍ସ ଡାକିବା ପରେ ଯୁବତୀଙ୍କୁ ମେଡିକାଲ ପଠାଇଥିଲେ । ଯୁବତୀଙ୍କ ଅନୁସାରେ ପୂର୍ବରୁ ଆମ୍ବୁଲାନ୍ସରେ ଅନ୍ୟ ଜଣେ ରୋଗୀ ଥିଲେ । ତାପରେ ଆମ୍ବୁଲାନ୍ସ ଚାଳକ ଜଣଙ୍କ ଅନ୍ୟ ରୋଗୀଙ୍କୁ ଓହ୍ଲାଇ ଦେଇ ଏକ ନିଛାଟିଆ ରାସ୍ତାରେ ନେଇ ଯାଇଥିଲେ । ସେଠାରେ ଦୁଷ୍କର୍ମ କରିବା ପରେ ତାଙ୍କୁ କୋଭିଡ୍ କେୟାର ସେଣ୍ଟରରେ ଛାଡ଼ି ଦେଇଥିଲେ ।

କୋଭିଡ୍ ସେଣ୍ଟରରେ ପହଞ୍ଚିବା ପରେ ଯୁବତୀ ଜଣଙ୍କ ଡାକ୍ତରଙ୍କୁ ସମସ୍ତ କଥା କହିଥିଲେ । ତାପରେ ପୋଲିସ ଅଭିଯୁକ୍ତ ଡାଇଭରଙ୍କୁ ଗିରଫ କରିଥିଲା । ଏବେ କେରଳରେ କରୋନା ସଂକ୍ରମିତଙ୍କ ସଂଖ୍ୟା ବଢ଼ି ବଢ଼ି ଚାଲିଛି । ଏବେ ଯାଏଁ କେରଳରେ ୮୪ ହଜାର ୭୫୯ ସଂକ୍ରମିତ ଚିହ୍ନଟ ହୋଇଥିବା ବେଳେ ୨୧ ହଜାର ୮୬୭ କେସ୍ ସକ୍ରିୟ ରହିଛି ।

Leave a Reply

Your email address will not be published. Required fields are marked *

Close Bitnami banner