IPL 2020: ଆସିଲା ଆଇପିଏଲ୍ ସେଡ୍ୟୁଲ୍, ଜାଣନ୍ତୁ କେଉଁ ଦିନ କାହାକୁ ଭେଟିବ କିଏ ?

1 min read

ନୂଆଦିଲ୍ଲୀ: ଇଣ୍ଡିଆନ୍ ପ୍ରିମିୟର୍ ଲିଗ୍ (IPL) ୨୦୨୦ର ପୂରା ମ୍ୟାଚ୍ ସୂଚି ଜାରି ହୋଇଛି । ଆଇପିଏଲର ୧୩ତମ ସଂସ୍କରଣ ସେପ୍ଟେମ୍ବର ୧୯ରୁ ଆବୁଧାବିରେ ଖେଳାଯିବ । ଉଦଘାଟନୀ ମ୍ୟାଚରେ ଗତଥରର ଚାମ୍ପିଅନ୍ ମୁମ୍ବାଇ ଇଣ୍ଡିଆନ୍ସ ଓ ରନର୍ସ ଅପ୍ ଚେନ୍ନାଇ ସୁପର କିଙ୍ଗ୍ସ ମଧ୍ୟରେ ମୁକାବିଲା ହେବ । ତାପରେ ୨୦ ସେପ୍ଟେମ୍ବରକୁ ଦୁବାଇରେ ମୁହାଁମୁହିଁ ହେବେ ଦିଲ୍ଲୀ କ୍ୟାପିଟଲ୍ସ ଓ କିଙ୍ଗ୍ସ ଇଲେଭନ ପଞ୍ଜାବ ।

ସୋମବାର ୨୧ ସେପ୍ଟେମ୍ବରକୁ ସନରାଇଜର୍ସ ହାଇଦରାବାଦ ଓ ରୟାଲ୍ ଚ୍ୟାଲେଞ୍ଜର୍ସ ବେଙ୍ଗଳୁରୁ ମଧ୍ୟରେ ମ୍ୟାଚ୍ ଖେଳାଯିବ । ମଙ୍ଗଳବାର ୨୨ ସେପ୍ଟେମ୍ବରକୁ ଶାରଜାହରେ ରାଜସ୍ଥାନ ରୟାଲ୍ସ ଓ ଚେନ୍ନାଇ ସୁପର କିଙ୍ଗ୍ସ ମଧ୍ୟରେ ଟକ୍କର ହେବ । ଦୁବାଇରେ ଆଇପିଏଲର ସର୍ବାଧିକ ୨୪ଟି ମ୍ୟାଚ୍ ଖେଳାଯିବ । ଆବୁଧାବିରେ ୨୦ଟି ମ୍ୟାଚ୍ ଓ ଶାରଜାହରେ ୧୨ଟି ମ୍ୟାଚ୍ ଖେଳାଯିବ । IPL ଗଭର୍ଣ୍ଣିଂ କାଉନସିଲ ପକ୍ଷରୁ କୁହାଯାଇଛି- ପ୍ଲେଅଫ୍ ଓ ଫାଇନାଲ୍ ମୁକାବିଲା କେଉଁଠି ହେବ ପରେ ନାଁ ଘୋଷଣା କରାଯିବ ।

୧୦ ନଭେମ୍ବରରେ ଫାଇନାଲ୍

ଟୁର୍ଣ୍ଣାମେଣ୍ଟ ସେପ୍ଟେମ୍ବର ୧୯ରୁ ଆରମ୍ଭ ହୋଇ ୫୩ ଦିନ ଯାଏ ଚାଲିବ । ଆଇପିଏଲର ଫାଇନାଲ୍ ମ୍ୟାଚ୍ ନଭେମ୍ବର ୧୦ରେ ଖେଳାଯିବ । ଚଳିତଥର ଗୋଟିଏ ଦିନ ୨ଟି ମ୍ୟାଚ୍ ଖେଳାଯିବ । ତେବେ, ଏଥର ୩୦ ମିନଟ୍ ପୂର୍ବରୁ ମ୍ୟାଚ୍ ଆରମ୍ଭ ହେବ । ଅପରାହ୍ଣ ୪ଟା ପରିବର୍ତ୍ତେ ୩ଟା ୩୦ରୁ ମ୍ୟାଚ ଆରମ୍ଭ ହେବ । ସେହିଭଳି ସନ୍ଧ୍ୟାର ମ୍ୟାଚ୍ ୭ଟା ୩୦ ପରିବର୍ତ୍ତେ ରାତି ୮ଟାରେ ଆରମ୍ଭ ହେବ ।

Leave a Reply