୩ ଘଣ୍ଟା ପରେ ପାଣିର ପଥର ସନ୍ଧିରୁ ଉଦ୍ଧାର ହେଲା ୫ ବର୍ଷର ଶିଶୁ

1 min read

ବୌଦ୍ଧ: ପାଣିରେ ପଥର ଫାସ । ଫସିଛି ୫ ବର୍ଷର ଶିଶୁ । ପ୍ରାୟ ୩ ଘଣ୍ଟା ହେଲା ପାଣି ଓ ପଥର ଭିତରେ ଝୁଲୁଛି ଜୀବନ । ଫସି ରହିଛି ୫ ବର୍ଷର ବାଳକ । ବୌଦ୍ଧ ଜିଲ୍ଲା ପୁରୁଣାକଟକ ଥାନା ବୁରୁବୁଡ଼ା ଗାଁରେ ଏମିତି ଅଭାବନୀୟ ଘଟଣା ଘଟିଛି । ଗାଧୋଇବାକୁ ଯାଇ ଥିବା ବେଳେ ପିଲାଟି ପଥର ଫାଙ୍କରେ ଫସି ଯାଇଥିଲା ।

ଉଦ୍ଧାର କାର୍ଯ୍ୟରେ ଓଡ୍ରାଫ ଟିମ୍, ଅଗ୍ନିଶମ ବାହିନୀ ନିୟୋଜିତ ହୋଇଥିଲେ । ପ୍ରାୟ ଅଢ଼େଇ ଘଣ୍ଟାର ରେସ୍କ୍ୟୁ ଅପରେସନ୍ ପରେ ସଫଳତା ମିଳିଛି । ପଥର ଫାଙ୍କରୁ ପିଲାଟିକୁ ସୁରକ୍ଷିତ ଉଦ୍ଧାର କରାଯାଇଛି । ପିଲାଟି ସାଙ୍ଗମାନଙ୍କ ସହ ଗାଧୋଇବାକୁ ଯାଇଥିବା ବେଳେ ପଥର ଫାଙ୍କରେ ଫସି ଯାଇଥିଲା ।

ପରେ ସାଙ୍ଗମାନେ ଏନେଇ ସ୍ଥାନୀୟ ଲୋକଙ୍କୁ ଜଣାଇଥିଲେ । ଆରମ୍ଭ ହୋଇଥିଲା ଅପରେସନ୍ ବେବି । ପ୍ରାୟ ୩ ଘଣ୍ଟାର ଅକ୍ଲାନ୍ତ ପରିଶ୍ରମ ପରେ ଲକ୍ଷ୍ମୀ ନଦୀରୁ ପିଲାଟିକୁ ଉଦ୍ଧାର କରାଯାଇଛି । ପିଲାଟି ବେକେ ପାଣିରେ ପଥର ଫାଙ୍କରେ ଫସିଥିବାରୁ ନଦୀ ଉପର ମୁଣ୍ଡରୁ ଆସୁଥିବା ପାଣିକୁ ବନ୍ଦ ପାଇଁ ଏକ ବନ୍ଧ ବନ୍ଧାଯାଇଥିଲା । ଏଥିସହ ଉପର ମୁଣ୍ଡରେ ଥିବା ଡ୍ୟାମ୍ ଗେଟ୍ ବନ୍ଦ ପାଇଁ ପ୍ରଶାସନ ପକ୍ଷରୁ ନିର୍ଦ୍ଦେଶ ଦିଆଯାଇଥିଲା ।

ଅପରେସନ୍‌ ବେବି

ଅପରେସନ୍‌ ବେବି*ପଥର ସନ୍ଦିରେ ଫସିଲା ୫ ବର୍ଷର ଶିଶୁ*ଅଗ୍ନିଶମ ଟିମ୍ ର ଉଦ୍ଧାର କାର୍ଯ୍ୟ ଜାରି*୫ ବର୍ଷର ଶିଶୁ ପାଇଁ ନାକେଦମ୍*ଘଟଣା ସ୍ଥଳରେ ପହଞ୍ଚିଲେ ତହସିଲଦାର*ପୁରୁଣା କଟକ ଅଞ୍ଚଳରୁ ଘଟଣାର ତାଜା ଚିତ୍ର

Nandighosha TV यांनी वर पोस्ट केले बुधवार, २ सप्टेंबर, २०२०

Leave a Reply

Your email address will not be published. Required fields are marked *

Close Bitnami banner