ରାଜ୍ୟରେ ୧୪୩୪ କରୋନା ସଂକ୍ରମିତ ଚିହ୍ନଟ, ପୁଣି ସଂକ୍ରମଣର ଶୀର୍ଷରେ ଗଞ୍ଜାମ

ଶନିବାର ରାଜ୍ୟରେ ୧୪୩୪ ସଂକ୍ରମିତ ଚିହ୍ନଟ ହୋଇଛନ୍ତି । ଏମାନଙ୍କ ମଧ୍ୟରୁ ୮୮୯ ଜଣ କ୍ୱାରେଣ୍ଟାଇନରେ ଥିଲେ ।  ବାକି ସ୍ଥାନୀୟ ସଂକ୍ରମଣ ସଂଖ୍ୟା ୫୪୫ । ଏନେଇ ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ପକ୍ଷରୁ ସୂଚନା ଦିଆଯାଇଛି । ତେବେ କରୋନା ସଂକ୍ରମିତଙ୍କ ଜିଲ୍ଲାଓ୍ୱାରୀ ତାଲିକା ଅନୁଯାୟୀ, ଗଞ୍ଜାମରୁ ୩୨୦, କଟକରୁ ୧୨୩, ଖୋର୍ଦ୍ଧାରୁ ୨୧୮, ରାୟଗଡାରୁ ୧୯୭, ସୁନ୍ଦରଗଡ଼ରୁ ୭୬, ପୁରୀରୁ ୬୫, ସମ୍ୱଲପୁରରୁ ୫୧, ଯାଜପୁରରୁ ୫୭, କନ୍ଧମାଳରୁ ୪୪ଜଣ, ଗଜପତିରୁ ୯୧ ଜଣ ସଂକ୍ରମିତ ଚିହ୍ନଟ ହୋଇଛନ୍ତି ।

ତେବେ ଅନ୍ୟ ଜିଲ୍ଲାରେ ଅପେକ୍ଷାକୃତ ଭାବେ କମ୍ ସଂଖ୍ୟକ ସଂକ୍ରମିତ ରହିଛନ୍ତି । ଅନୁଗୁଳରେ ୯ , ବାଲେଶ୍ୱରରେ ୧୨, ବରଗଡରେ ୫, ଭଦ୍ରକରେ ୨୫, ବୌଦ୍ଧରେ ୫, ଦେଓଗଡ଼ରେ ୨, ଢେଙ୍କାନାଳରେ ୨, ଜଗତସିଂହପୁରରେ ୧୩, ଝାରସୁଗୁଡ଼ା ୬, କଳାହାଣ୍ଡିରେ ୧୮, କେନ୍ଦୁଝରରେ ୨, କୋରାପୁଟରେ ୧୨, ମାଲକାନଗିରିରେ ୨୪, ମୟୁରଭଞ୍ଜରେ ଜଣେ, ନବରଙ୍ଗପୁରରେ ୨, ନୟାଗଡ଼ରେ ୮, ନୂଆପଡ଼ାରେ ୭ ଓ ସୋନପୁରରେ ୬ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ତେବେ ରାଜ୍ୟର କରୋନା ଆକ୍ଟିଭ୍ ପଜେଟିଭ୍ ସଂଖ୍ୟା ସୋମବାର ସୁଦ୍ଧା ୧୩୪୦୪ ରହିଛି । ଏମାନଙ୍କ ଚିକିତ୍ସା ଚାଲୁ ରହିଛି ।

Leave a Reply