ଯୁବକଙ୍କୁ ଗୋଡ଼ାଇ ଗୋଡ଼ାଇ ହାଣିଲେ

ଅନୁଗୁଳ: ପୂର୍ବ ଶତ୍ରୁତାରୁ ଯୁବକଙ୍କୁ ଆକ୍ରମଣ । ବାଇକରେ ଆସି ଚା’ ପିଉଥିବା ଯୁବକଙ୍କୁ ଗୋଡ଼ାଇ ଗୋଡ଼ାଇ ହାଣିଲେ ୬ ଦୁର୍ବୃତ୍ତ । ରକ୍ତାକ୍ତ ଅବସ୍ଥାରେ ଯୁବକଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଘଟଣା ଅନୁଗୁଳ ଅମଲାପଡ଼ା ଛକରେ ଘଟିଛି ।

ଅଭିଯୋଗ ଅନୁସାରେ ଅମଲାପଡ଼ା ଛଳ ନିକଟରେ ଦିନ ପ୍ରାୟ ଦିନ ଗୋଟାଏ ବେଳେ ପାର୍ଥ ସାରଥୀ ପ୍ରଧାନ ଏବଂ ସତ୍ୟଜିତ ନାମକ ଦୁଇ ଜଣ ଯୁବକ ଚା’ ପିଉଥିଲେ । ହଠାତ ୩ଟି ବାଇକରେ ପ୍ରାୟ ୬ ଜଣ ଯୁବକ ଆସି ପାର୍ଥଙ୍କୁ ଆକ୍ରମଣ କରିଥିଲେ । ଲୁହା ରଡ୍ ଓ ମାରଣାସ୍ତ୍ରରେ ପାର୍ଥଙ୍କୁ ଗୋଡ଼ାଇ ଗୋଡ଼ାଇ ଆକ୍ରମଣ କରିଥିଲେ । ପ୍ରାୟ ୧୦ ମିନିଟ ଧରି ବିଚ୍ ରାସ୍ତାରେ ଏଭଳି କାଣ୍ଡ ଭିଆଇ ଯୁବକମାନେ ଫେରାର୍ ହୋଇ ଯାଇଥିଲେ ।

ଦୁର୍ବୃତ୍ତଙ୍କ ଆକ୍ରମଣର ପାର୍ଥଙ୍କ ଦୁଇ ହାତ ଓ ଛାତିରେ ଗଭୀର ଆଘାତ ଲାଗିଛି । ତାଙ୍କୁ ଜିଲ୍ଲା ମୁଖ୍ୟ ଚିକତ୍ସାଳୟରେ ଭର୍ତ୍ତି କରାଯାଇଛି । ପୂର୍ବ ଶତ୍ରୁତାକୁ କେନ୍ଦ୍ର କରି ଆକ୍ରମଣ ହୋଇଥିବା କୁହାଯାଉଛି । ଖବରପାଇ ଅନୁଗୁଳ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।