ଏହି ବିଜେପି ଶାସିତ ରାଜ୍ୟରେ ଦୁଷ୍କର୍ମ ସଂଖ୍ୟା ଏତେ, ସ୍ଥାପିତ ହେବ ୧୦୦ରୁ ଅଧିକ ଫାଷ୍ଟ ଟ୍ରାକ କୋର୍ଟ

ଲକ୍ଷ୍ନୌ: ଉନ୍ନାଓରେ ଗଣଦୁଷ୍କର୍ମ ପୀଡ଼ିତାଙ୍କୁ ଜାଳିଦେବା । ଲକ୍ଷ୍ନୌରେ ଦୁଷ୍କର୍ମ ପୀଡ଼ିତା ଆତ୍ମହତ୍ୟା କରିବା । ରାତି ପାହିଲେ ଏମିତି ଉତ୍ତର ପ୍ରଦେଶରେ ଘଟୁଛି ଏମିତି ବର୍ବୋରଚିତ କାଣ୍ଡ । ଯାହା ପାଇଁ ବଦନାମ ମୁଣ୍ଡାଇଛି ଯୋଗୀ ସରକାର । ନାରୀ ନିର୍ଯାତନା ରୋକିବା ଓ ଦୋଷୀଙ୍କୁ କଠୋର ଦଣ୍ଡ ଦେବାକୁ ଉତ୍ତରପ୍ରଦେଶ ସରକାର ପଦକ୍ଷେପ ନେଇଛନ୍ତି । ରାଜ୍ୟର ବିଭିନ୍ନ ସ୍ଥାନରେ ୨୧୮ଟି ଫାଷ୍ଟ ଟ୍ରାକ୍ କୋର୍ଟ ସ୍ଥାପନକୁ ମଞ୍ଜୁରୀ ଦେଇଛି ଯୋଗୀ କ୍ୟାବିନେଟ୍ ।ସ୍ଥାପନ ହେବାକୁ ଥିବା ୨୧୮ଟି ଫାଷ୍ଟ ଟ୍ରାକ୍ କୋର୍ଟ ମଧ୍ୟରୁ କେବଳ ୧୪୪ଟି କୋର୍ଟରେ ଦୁଷ୍କର୍ମ ସମ୍ପର୍କିତ ମାମଲାର ବିଚାର କରାଯିବ । ୭୪ଟି ଅଦାଲତରେ ପକ୍ସୋ ସମ୍ପର୍କିତ ମାମଲାର ନିୟମିତ ଶୁଣାଣି ହେବ ।ନ୍ୟାସନାଲ କ୍ରାଇମ୍ ରେକର୍ଡ ବ୍ୟୁରୋ (ଏନସିଆରବି)ର ୨୦୧୭ ତଥ୍ୟ ଅନୁଯାୟୀ, ଦେଶରେ ସର୍ବାଧିକ ମହିଳା ହିଂସା ଉତ୍ତରପ୍ରଦେଶରେ ହେଉଛି । ଦେଶରେ ମୋଟ ୩ ଲକ୍ଷ ୫୯ ହଜାର ମହିଳା ହିଂସା ମଧ୍ୟରୁ ଉତ୍ତରପ୍ରଦେଶରେ କେବଳ ୫୬ ହଜାର ୧୧ଟି ମାମଲା ହୋଇଛି ।

https://nandighoshatv.comunnao-rape-victim-died-in-delhi-hospital/

ଏପରିକି ୨୦୧୭ ଉନ୍ନାଓ ଦୁଷ୍କର୍ମ ମାମଲାରେ ବିଜେପି ନେତା କୁଲଦୀପ ସିଂ ସେଙ୍ଗରଙ୍କ ବିରୋଧରେ ସିବିଆଇ ମାମଲା ରୁଜୁ କରିଛି ।

https://nandighoshatv.comlast-word-of-unnao-victim-in-medical-bed/