Teslaର ଅଟୋପାଇଲଟ୍ ଫିଚର କମାଲ୍, ଚଳନ୍ତା କାରରେ ଜନ୍ମ ହେଲା ଶିଶୁ
1 min read
ଫିଲାଡେଲଫିଆ: ଟେସଲାର ଇଲେକ୍ଟ୍ରିକ୍ କାର ଏହାର ଫିଚର୍ ପାଇଁ ସମଗ୍ର ବିଶ୍ୱରେ ପ୍ରସିଦ୍ଧ । ଏହାର ଅଟୋପାଇଲଟ୍ ଫିଚର ଖୁବ୍ ୟୁନିକ୍ ହୋଇଥିବା ବେଳେ ନିଜର ଫିଚର୍ ପାଇଁ ପୁଣିଥରେ ଚର୍ଚ୍ଚାକୁ ଆସିଛି ଟେସଲା। ସୂଚନା ଅନୁଯାୟୀ, ଜଣେ ମହିଳା ଟେସଲା କାରକୁ ଅଟୋପାଇଲଟ୍ ମୋଡରେ ରଖି କାର ଭିତରେ ଏକ ଶିଶୁ କନ୍ୟାକୁ ଜନ୍ମ ଦେଇଛନ୍ତି । ଯେଉଁ ଘଟଣା ଏବେ ସବୁଠି ଚର୍ଚ୍ଚାରେ ରହିଛି ।
ରିପୋର୍ଟ ଅନୁଯାୟୀ, ଆମେରିକାର ଫିଲାଡେଲଫିଆରେ ରହୁଛନ୍ତି ୩୩ ବର୍ଷିୟ ୟିରାନ ଶେରି ଓ ତାଙ୍କ ସ୍ୱାମୀ କିଟିଙ୍ଗ ଶେରି। ୟିରାନ ଗର୍ଭବତୀ ଥିବା ବେଳେ ସ୍ୱାମୀଙ୍କ ସହ ନିଜ Tesla Model 3 ଇଲେକ୍ଟ୍ରିକ୍ କାରରେ ହସ୍ପିଟାଲ ଯାଉଥିଲେ । କିନ୍ତୁ ଅଧା ରାସ୍ତାରେ ଅଚାନକ ୟିରାନଙ୍କ ପ୍ରସବ ଯନ୍ତ୍ରଣା ଆରମ୍ଭ ହୋଇଥିଲା। ସ୍ଥିତି ଜଟିଳ ହେବାରୁ କାରକୁ ଅଟୋପାଇଲଟ୍ ମୋଡ୍ କରିବାକୁ ବାଧ୍ୟ ହୋଇଥିଲେ ସ୍ୱାମୀ କିଟିଙ୍ଗ୍।
My wife courageously delivered our baby girl, Maeve, in the front seat of our @Tesla model 3 en route to the hospital – here’s the story @PhillyInquirer ! @elonmusk @Tesla thx for the autopilot ?? #tesbaby https://t.co/JPMfh7AyhN
— Keating Sherry (@KeatingSherry) December 16, 2021
କାରଟି ଆପଣାଛାଏଁ ଚାଲୁଥିବା ବେଳେ ଗର୍ଭବତୀ ପତ୍ନୀଙ୍କୁ ସାହାଯ୍ୟ କରିଥିଲେ କିଟିଂ । କାରର ଫ୍ରଣ୍ଟ୍ ସିଟରେ ହିଁ ଶିଶୁ କନ୍ୟାକୁ ଜନ୍ମ ଦେଇଥିଲେ ୟିରାନ । ଯାହା ପରେ ସେମାନେ ହସ୍ପିଟାଲରେ ପହଞ୍ଚିଥିଲେ । କେବଳ ଏତିକି ନୁହେଁ ନର୍ସ ଜଣକ ମଧ୍ୟ କାରର ଆଗ ସିଟରେ ଶିଶୁର ନାଇ କାଟିଥିଲେ। ଏହି ଘଟଣା ପରେ ଲୋକମାନେ ଏହି ଶିଶୁଟିକୁ ‘ପ୍ରଥମ ଟେସଲା ବେବି’ ବୋଲି କହୁଛନ୍ତି । ଘଟଣା ସମ୍ପର୍କରେ ମହିଳାଙ୍କ ସ୍ୱାମୀ ଟ୍ୱିଟ୍ କରି ସୂଚନା ଦେଇଛନ୍ତି
