ପଶ୍ଚିମବଙ୍ଗରେ ଆରମ୍ଭ ହୋଇଛି ଷଷ୍ଠ ପର୍ଯ୍ୟାୟରେ ମତଦାନ, ମୈଦାନରେ ୩୦୬ ଜଣ ପ୍ରାର୍ଥୀ

1 min read

ନୂଆଦିଲ୍ଲୀ: ଆଜି ପଶ୍ଚିମବଙ୍ଗ ବିଧାନସଭା ନିର୍ବାଚନର ଷଷ୍ଠ ପର୍ଯ୍ୟାୟ ମତଦାନ। ୪ଟି ଜିଲ୍ଲାର ୪୩ଟି ଆସନ ପାଇଁ ଭୋଟିଂ ଆରମ୍ଭ ହୋଇଛି। ପ୍ରାୟ ୧୦ ହଜାର ୮୯୭ଟି ବୁଥ୍‌ରେ ମତଦାନ ପ୍ରକ୍ରିୟା ଚାଲିଥିବା ବେଳେ ସୁରକ୍ଷା ବ୍ୟବସ୍ଥା କଡ଼କଡ଼ି କରାଯାଇଛି। ୩୦୬ ଜଣ ପ୍ରାର୍ଥୀଙ୍କ ଆଜି ଭାଗ୍ୟ ପରୀକ୍ଷା ହେଉଛି। ଏକ କୋଟିରୁ ଅଧିକ ଭୋଟର ପ୍ରାର୍ଥୀଙ୍କ ଭାଗ୍ୟ ପରୀକ୍ଷା କରିବେ। ବିଜେପି ଓ ଟିଏମସି ୪୩ଟି ଯାକ ଆସନରେ ପ୍ରାର୍ଥି ଦେଇଥିବା ବେଳେ କଂଗ୍ରେସ ୧୨ଟି ଏବଂ ସହଯୋଗୀ ଦଳ ସିପିଆଇଏମ ୨୩ଟି ଆସନରେ ଠିଆ ହୋଇଛନ୍ତି। ଏହି ପର୍ଯ୍ୟାୟ ମତଦାନରେ କିଛି ଭିଆଇପି ପ୍ରାର୍ଥୀଙ୍କର ଭାଗ୍ୟ ପରୀକ୍ଷା ହେଉଛି।

ଟିଏମସି ନେତା ଉଜ୍ଜଲ ବିଶ୍ୱାସ କ୍ରିଷ୍ଣ ନଗର ଦକ୍ଷିଣରୁ ଛିଡା ହୋଇଛନ୍ତି। ବିଜେପି ନେତା ମୁକୁଲ ରାୟ କ୍ରିଷ୍ଣ ନଗର ଉତ୍ତରରୁ ପ୍ରାର୍ଥୀ ହୋଇଛନ୍ତି। ଆସନ୍ତା ୨୬ ଓ ୨୯ ତାରିଖରେ ସପ୍ତମ ଓ ଅଷ୍ଟମ ପର୍ଯ୍ୟାୟ ମତଦାନ ହେବ। ମେ ୨ରେ ଫଳାଫଳ ପ୍ରକାଶ ପାଇବ। କରୋନା ପାଇଁ ମତଦାନର ୭୨ ଘଣ୍ଟା ପୂର୍ବରୁ ପ୍ରଚାର ଶେଷ କରିବାକୁ ନିର୍ବାଚନ କମିଶନ ନିର୍ଦ୍ଦେଶ ଦେଇଥିଲେ। ଏଥିପାଇଁ ପ୍ରଚାର ସମୟ କମିଯାଇଛି । ମତଦାନର ଶେଷ ଏକ ଘଣ୍ଟାରେ କୋଭିଡ ସଂକ୍ରମିତ ବ୍ୟକ୍ତି ଭୋଟ ଦେବାର ବ୍ୟବସ୍ଥା କରାଯାଇଛି ।

Opn Commnet Area

Leave a Reply

Your email address will not be published. Required fields are marked *

Close Bitnami banner