ବିଧାନସଭାରେ କଂଗ୍ରେସ ସାଂସଦଙ୍କ ବିବାଦୀୟ ବୟାନ ପ୍ରସଙ୍ଗ, ଗୃହ ମଧ୍ୟଭାଗରେ ବିଜେପ ବିଧାୟକଙ୍କ ନାରାବାଜି

ଭୁବନେଶ୍ୱର: ସଂସଦରେ ରାଷ୍ଟ୍ରପତିଙ୍କୁ ନେଇ କଂଗ୍ରେସର ବିବାଦୀୟ ବୟାନ ପ୍ରସଙ୍ଗ । ବିଧାନସଭାରେ ଉଠିଲା କଂଗ୍ରେସ ସାଂସଦ ଅଧୀର ରଞ୍ଜନ ଚୌଧୁରୀଙ୍କ ବିବାଦୀୟ ମନ୍ତବ୍ୟ ଝଡ଼ । କଂଗ୍ରେସ ସାଂସଦଙ୍କ ବିବାଦୀୟ ବୟାନକୁ ନେଇ ବିଧାନସଭାରେ ନାରାବାଜି କରିଛନ୍ତି ବିଜେପି ବିଧାୟକ । ପ୍ରଶ୍ନକାଳ ଆରମ୍ଭରୁ ଗୃହ ମଧ୍ୟଭାଗରେ ପ୍ଲା-କାର୍ଡ ଧରି ହୋହଲ୍ଲା କରିଛନ୍ତି । ହୋହଲ୍ଲା ଓ ନାରାବାଜି ଯୋଗୁଁ ଗୃହରେ ସ୍ୱାଭାବିକ ଚାଲିପାରିଲାନି ପ୍ରଶ୍ନକାଳ । ଏହାସହ ଅନେକ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ମଧ୍ୟ ଆଲୋଚନା ହୋଇପାରିନି । ଅସ୍ୱାଭାବିକ ପରିସ୍ଥିତି ଲାଗି ରହିବାରୁ ବାଚସ୍ପତି ଅପରାହ୍ନ ୪ଟା ପର୍ଯ୍ୟନ୍ତ ଗୃହକୁ ମୁଲତବି ଘୋଷଣା କରିଛନ୍ତି ।