ତାସ ଘର ପରି ଭୁଶୁଡ଼ି ଗଙ୍ଗାରେ ବିଲିନ ହୋଇଗଲା ଦୁଇ ମହଲା କୋଠା

କୋଲକାତା: ଗଙ୍ଗା ନଦୀ କୂଳରେ ଥିଲା ଦୁଇ ମହଲା କୋଠା । କେବଳ ଏହି ଘର ନୁହେଁ କନେକ ଘର ଗଙ୍ଗା କୂଳରେ ରହିଛି । ହେଲେ ଲୋକେ ଅନାଇଛନ୍ତି, ସମସ୍ତଙ୍କ ଆଖି ଆଗରେ ହଠାତ୍ ତାସ ଘର ପରି ଭୁଶୁଡ଼ି ପଡ଼ିଲା କୋଠା । ଆଉ ଚାହୁଁ ଚାହୁଁ ଗଙ୍ଗାରେ ଦୁଇ ମହଲା କୋଠାଟି ସମାଧି ନେଇଗଲା । ଏମିତି ଘଟଣା ଘଟିଛି ପଶ୍ଚିମବଙ୍ଗର ମୁର୍ଶିଦାବାଦ ଜିଲ୍ଲା ଶିକଦାରପୁର ଗାଁରେ ।

ପ୍ରବଳ ବର୍ଷା ଫଳରେ ଗଙ୍ଗା ନଦୀରେ ବନ୍ଯା ଆସିଛି । ଫଳରେ ନଦୀ କୂଳିଆ ଅଞ୍ଚଳରେ ଆତଙ୍କ ଖେଳିଯାଇଛି । ଅନେକ ଘର ଗଙ୍ଗା ନଦୀ ଗର୍ଭରେ ଲୀନ ହୋଇଯାଇଛି । ଶିକଦାରପୁର ଗାଁରେ ନଦୀ କୂଳରେ ଥିବା ଏହି ଦୁଇ ମହଲା ଘରଟି ଭୁଶୁଡ଼ି ପଡ଼ି ଭାସିଯାଇଛି । ଏ ବିପର୍ଯ୍ଯୟ ସମୟର ଦୃଶ୍ଯ ମୋବାଇଲରେ କଏଦ ହୋଇଛି । କେବଳ ଏଇ ଗୋଟିଏ ଘର ନୁହେଁ ବରଂ ଏହିପରି ଅନେକ ଘର ଓ ସମ୍ପତ୍ତି ନଦୀରେ ଭାସିଯାଇଛି ।