ନାବାଳିକା ଛାତ୍ରୀଙ୍କ ଅନ୍ତରଙ୍ଗ ଭିଡିଓ ଭାଇରାଲ କରି ଟ୍ୟୁସନ ସାର ଗିରଫ

ନୟାଗଡ଼: ବନ୍ଧା ହେଲେ ଶିକ୍ଷକ । ନାବାଳିକା ଛାତ୍ରୀଙ୍କ ଅନ୍ତରଙ୍ଗ ଭିଡିଓ ଭାଇରାଲ କରି ଟ୍ୟୁସନ୍ ସାର୍‌ ଗିରଫ । ଘଟଣା ଘଟିଛି ନୟାଗଡ଼ ଜିଲ୍ଲା ରଣପୁର ଥାନା ରାଜସୁନାଖଳା ଅଞ୍ଚଳରେ । କୋଭିଡ ସମୟରେ ଛାତ୍ରୀଙ୍କୁ ଅଶ୍ଲୀଳ ଭିଡିଓ ଦେଖାଇ ଦୁଷ୍କର୍ମ କରୁଥିଲା ଅଭିଯୁକ୍ତ ଶିକ୍ଷକ ରାଜେଶ ବେହେରା । ଦୁଷ୍କର୍ମ ପରେ ଅନ୍ତରଙ୍ଗ ମୁହୂର୍ତ୍ତର ଭିଡିଓ ଓ ଫଟୋ କରି ଭାଇରାଲ କରିଥିଲା ଅଭିଯୁକ୍ତ । ଭାଇରାଲ ପରେ ନାବାଳିକାର ପରିବାର ରଣପୁର ଥାନାରେ ଅଭିଯୋଗ କରିଥିଲେ । ରଣପୁର ପୋଲିସ୍ ୨ଟି ମାମଲା ରୁଜୁ କରି ତଦନ୍ତ କରିଥିଲା । ତଦନ୍ତ ପରେ ଅଭିଯୁକ୍ତ ଶିକ୍ଷକଙ୍କୁ ଗିରଫ କରି ଚାଲାଣ କରିଛି ପୋଲିସ ।

ଅଭିଯୁକ୍ତ ଶିକ୍ଷକର ଘର ଓଡ଼ଗାଁ ନନ୍ଦୀଘର କମାର ସାହିରେ । ତଦନ୍ତ ପାଇଁ ୧୫ ଦିନଆ ରିମାଣ୍ଡ  ଆବେଦନ କରିଛି ରଣପୁର ପୋଲିସ । ଅଭିଯୁକ୍ତ ଶିକ୍ଷକ ଜଣକ ଜଣେ ମେଧାବୀ ଛାତ୍ର । କିଛି ମାସ ହେବ ସେ ସରକାରୀ ଶିକ୍ଷକ ଭାବେ ଓଡ଼ଗାଁ ସ୍କୁଲରେ ନିଯୁକ୍ତି ପାଇଥିଲା। ଚାକିରି ପୂର୍ବରୁ ରାଜସୁନାଖଳାରେ ଏକ ଘରୋଇ ସ୍କୁଲରେ ଶିକ୍ଷକତା କରୁଥିଲା ଅଭିଯୁକ୍ତ ରାଜେଶ । କୋଭିଡ ସମୟରେ ନବମ ଓ ଦଶମ ନାବାଳିକାଙ୍କୁ ଏକାକୀ ଡାକି ସେମାନଙ୍କୁ ବିଭିନ୍ନ ଅଶ୍ଲୀଳ ଭିଡିଓ ଦେଖାଇ ସେମାନଙ୍କ ସହ ଶାରୀରିକ ସମ୍ପର୍କ ରଖୁଥିଲା ଓ ଅନ୍ତରଙ୍ଗ ମୁହୂର୍ତ୍ତର ଫଟୋ ଓ ଭିଡିଓକୁ ମୋବାଇଲରେ ସେଭ୍ କରି ରଖୁଥିବା ଅଭିଯୋଗ ରହିଛି । ପୋଲିସ୍ ରାଜେଶର ମୋବାଇଲ ଓ ଲାପଟପ୍ ଜବତ କରିଛି ।