ଆଜି ଆସିବ ତ୍ରିପୁରା, ମେଘାଳୟ ଓ ନାଗାଲାଣ୍ଡ ନିର୍ବାଚନର ଫଳାଫଳ

ନୂଆଦିଲ୍ଲୀ: ଆଜି ପ୍ରକାଶ ପାଇବ ତିନି ରାଜ୍ୟର ବିଧାନସଭା ନିର୍ବାଚନ ଫଳାଫଳ। ତ୍ରିପୁରା, ମେଘାଳୟ ଓ ନାଗାଲାଣ୍ଡ ନିର୍ବାଚନର ଆସିବ ଜନାଦେଶ  । ଭୋଟ ଗଣତି ଜାରି ରହିଛି। ତ୍ରିପୁରା ଓ ନାଗାଲାଣ୍ଡରେ ୬୦ ଲେଖାଏ ଆସନ ସହିତ ମେଘାଳୟର ୫୯ ଆସନର ରେଜଲ୍ଟ ଆସିବ।

କଡ଼ା ସୁରକ୍ଷା ମଧ୍ୟରେ ଭୋଟ ଗଣତି ପାଇଁ ବ୍ୟବସ୍ଥା ହୋଇଛି। ଏକଜିଟ ପୋଲ ଅନୁସାରେ ତ୍ରିପୁରା ଓ ନାଗାଲାଣ୍ଡରେ ବିଜେପିକୁ ମିଳିବ ସଂଖ୍ୟା ଗରିଷ୍ଠତା । ମେଘାଳୟରେ ହୋଇପାରେ ଝୁଲା ବିଧାନସଭା। ୬୦ ଆସନ ବିଶିଷ୍ଟ ତ୍ରିପୁରାରେ ବିଜେପିକୁ ହାରାହାରି ୩୨ଟି ଆସନ ମିଳିବ ବୋଲି ଅଧିକାଂଶ ସର୍ଭେରେ କୁହାଯାଇଛି।

ବାମପନ୍ଥୀଙ୍କୁ ହାରାହାରି ୧୫ଟି ଆସନ ମିଳିଥିବାବେଳେ କଂଗ୍ରେସକୁ କୌଣସି ଆସନ ମିଳିବ ନାହିଁ। ୬୦ ଆସନ ବିଶିଷ୍ଟ ନାଗାଲାଣ୍ଡରେ ବିଜେପିକୁ ହାରାହାରି ୪୨, କଂଗ୍ରେସକୁ ଗୋଟିଏ ଓ ଏନପିଏଫକୁ ୬ଟି ଆସନ ମିଳିବ ବୋଲି ଜଣାଯାଇଛି। ସେହିପରି ମେଘାଳୟରେ ଝୁଲା ସରକାର ହେବ ବୋଲି ଆକଳନ କରାଯାଇଛି।