ଝୁଲନ୍ତା ଅବସ୍ଥାରେ ଛାତ୍ରୀଙ୍କ ମୃତଦେହ ଉଦ୍ଧାର

ସୁନାବେଡ଼ା: ବେକରେ ଚୁନି ଲଗାଇ ଆତ୍ମହତ୍ୟା କଲେ ଆଦିବାସୀ କଲେଜ ଛାତ୍ରୀ । ସୁନାବେଡା ପୌରଅଞ୍ଚଳ ଅଧିନସ୍ଥ ନେହୁରୁ ନଗର ଜୟପୁର ମହିଳା ମହାବିଦ୍ୟାଳୟର ଦ୍ୱିତୀୟ ବର୍ଷ ଛାତ୍ରୀ । କିଛିଦିନ ତଳେ ତାମିଲନାଡୁ ଦାଦନ ଖଟିବା ପାଇଁ ଯାଇଥିଲେ  । ପୁଣି ସେଠାରୁ ଫେରି ସିମିଳିଗୁଡାର ଏକ ରୁଟି ଫ୍ୟାକ୍ଟ୍ରିରେ କିଛିଦିନ ହେବ କାମ କରୁଥିଲେ  । ଛାତ୍ରୀ ଜଣକ କୌଣସି କାରଣରୁ ଘରେ କେହି ନଥିବା ସୁଯୋଗ ନେଇ ପଙ୍ଖାରେ ନିଜ ଚୁନି ବେକରେ ଲଗାଇ ଆତ୍ମହତ୍ୟା କରିଛନ୍ତି ।

ଏହି ଅଭାବନୀୟ ଘଟଣା ଘଟିଛି କୋରାପୁଟ ଜିଲ୍ଲା ସିମିଳିଗୁଡା ବ୍ଲକ ଅନ୍ତର୍ଗତ ଦୁଧାରୀ ପଂଚାୟତର ପୁଟସିଲ ଗ୍ରାମରେ  । ମୃତ ଛାତ୍ରୀଙ୍କ ନାଁ ରଚନା ସାଉଁତା ବୋଲି ଜଣା ପଡିଛି  । ଖବର ପାଇ ପଟ୍ଟାଙ୍ଗି ବିଧାୟକ ପ୍ରୀତମ ପାଢ଼ୀ, ଜିଲ୍ଲାପରିଷଦ ମୋହନ ଜାନି ଘଟଣା ସ୍ଥଳକୁ ଯାଇ ପୋଲିସକୁ ଖବର ଦେଇଥିଲେ  । ସୁନାବେଡା ପୋଲିସ ପହଁଞ୍ଚି ଝୁଲନ୍ତା ଶବ ଉଦ୍ଧାର କରିବା ସହ ମନିପ୍ରସରେ ଥିବା ଅଜଣା ଯୁବକଙ୍କ ପାସପୋର୍ଟ ଫଟୋ ଓ ମୋବାଇଲ ଜବତ କରିଛି  । ସେଥିରୁ କୋରାପୁଟ ସହିଦ ଲକ୍ଷ୍ମଣ ନାୟକ ହସପିଟାଲ ଶବ ବ୍ୟବଛେଦ କରି ପରିବାରକୁ ଶବ ହସ୍ତାନ୍ତର କରାଯାଇଛି  । ପୋଷ୍ଟମର୍ଟମ ରିପୋର୍ଟ ଆସିବା ପରେ ମୃତ୍ୟୁ କି ଆତ୍ମହତ୍ୟା ତାହା ଜଣା ପଢିବ । ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।