ବଢୁଛି FASTagର ଚାହିଦା, ଟୋଲ୍ କଲେକ୍ସନ୍ କାରବାର ୧.୩୬ କୋଟିକୁ ବୃଦ୍ଧି
1 min read
ନୂଆଦିଲ୍ଲୀ: ଏବେ ଡିଜିଟାଲ୍ କାରବାରକୁ ପ୍ରାଧାନ୍ୟ ଦିଆଯାଉଥିବା ବେଳେ ୨୦୨୦ରେ ଇଲେକ୍ଟ୍ରୋନିକ୍ ଟୋଲ୍ କଲେକ୍ସନ୍ ସିଷ୍ଟମ ଫାସଟାଗର ଚାହିଦା ବଢିଛି । ଗତ ଡିସେମ୍ବର ମାସରେ ଏହା ମାଧ୍ୟମରେ ଟୋଲ୍ କଲେକ୍ସନ୍ ମାଧ୍ୟମରେ କାରବାର ସଂଖ୍ୟା ୧.୩୬ କୋଟି ବୃଦ୍ଧି ପାଇଛି ବୋଲି ମଙ୍ଗଳବାର ଦିନ ଜାତୀୟ ରାଜପଥ ପ୍ରାଧିକରଣ (ଏନଏଚଏଆଇ)ର ଜଣେ ଅଧିକାରୀ ସୂଚନା ଦେଇଛନ୍ତି ।
ଆହୁରି ମଧ୍ୟ ଡିସେମ୍ବରରେ ଫାସଟାଗ ଜରିଆରେ ୧୩.୮୪ କୋଟି ଟଙ୍କାର କାରବାର କରି ରେକର୍ଡ କରିଛି । ନଭେମ୍ବର ମାସରେ ୧୨.୪୮ କୋଟି କାରବାର ତୁଳନାରେ ୧୦.୮୩ ପ୍ରତିଶତ ଅଧିକ ଅଟେ।
ସେହିପରି ଡିସେମ୍ବରରେ ଫାସଟାଗ ମାଧ୍ୟମରେ ଟୋଲ ସଂଗ୍ରହ ୨୦୧ କୋଟିରୁ ଅଧିକ ବୃଦ୍ଧି ପାଇ ୨.୩୦୩.୭୯ କୋଟିରେ ପହଞ୍ଚିଛି ବୋଲି ଅଧିକାରୀ ଜଣକ କହିଛନ୍ତି।
ପ୍ରାୟ ୨.୩୦ କୋଟିରୁ ଅଧିକ ଫାସଟାଗ ବ୍ୟବହାରକାରୀ ରହିଥିବା ବେଳେ ଏଥିରେ ମୋଟ ଟୋଲ ସଂଗ୍ରହର ୭୫ ପ୍ରତିଶତରୁ ଅଧିକଙ୍କର ଯୋଗଦାନ ରହିଛି । ତେବେ ୨୦୨୧ ମସିହା ଫେବୃଆରୀ ୧୫ ତାରିଖ ବେଳକୁ ଇ-ଟୋଲିଂ ମାଧ୍ୟମରେ ଶତପ୍ରତିଶତ ଟୋଲ ପେମେଣ୍ଟ ଆଦାୟ କରାଯିବାକୁ ଲକ୍ଷ୍ୟ ରହିଛି ବୋଲି ସୂଚନା ମିଳିଛି ।
ଫାସଟାଗ୍ କଣ ?
ଫାସଟାଗ୍ ହେଉଛି ଏକ ଇଲେକ୍ଟ୍ରୋନିକ୍ ଟ୍ୟାଗ୍ ବ୍ୟବସ୍ଥା । ଏହା ଏକ ପ୍ରି-ପେଡ୍ ଟ୍ୟାଗ୍ ସର୍ଭିସ୍ । ଥରୁଟିଏ ଏହା ଆକ୍ଟିଭ୍ ହେବା ପରେ ଗାଡ଼ିର ଓ୍ୱିଣ୍ଡସ୍କ୍ରିନରେ ଏହାକୁ ଲଗାଇ ଦିଆଯିବ । ଟୋଲ୍ ଗେଟରେ ଥିବା ଏଣ୍ଟିନା ଫାସଟାଗ୍ ଲାଗିଥିବା ଗାଡିକୁ ତୁରନ୍ତ ରେଡିଓ ଫ୍ରିକ୍ୱେନ୍ସିରେ ସ୍କାନ କରିପାରିବ । ଗାଡ଼ି ଚାଲୁଥିବା ଅବସ୍ଥାରେ ଏହାକୁ ସ୍କାନ୍ କରି ଆପେ ଆପେ ଛାଡ଼ିଦେବ।
ଫାସଟାଗ୍ ବ୍ୟବସ୍ଥା ଲାଗୁ ହେବା ପରେ, ଟୋଲ ଗେଟ ଗୁଡ଼ିକରେ ଭିଡ଼ ନିୟନ୍ତ୍ରଣ କରାଯିବା ସହ, ଡିଜିଟାଲ୍ ପେମେଣ୍ଟ ମଧ୍ୟ ସହଜ ହୋଇପାରିବ । ଅଧିକ ସମୟଧରି ଆଉ ଟୋଲ୍ ଗେଟରେ ଆପଣଙ୍କୁ ଅପେକ୍ଷା କରିବାକୁ ପଡ଼ିବ ନାହିଁ ।
