ସାକାର ହେଉଛି ଛାତ୍ରଛାତ୍ରୀଙ୍କ ସ୍ୱପ୍ନ, ଆଜି ୪୯୨ ରୂପାନ୍ତରିତ ସ୍କୁଲକୁ ଲୋକାର୍ପିତ କରିବେ ମୁଖ୍ୟମନ୍ତ୍ରୀ
1 min read
ଭୁବନେଶ୍ୱର: ସାକାର ହେଉଛି ପିଲାଙ୍କ ସ୍ବପ୍ନ । ଚକାଚକ ସ୍କୁଲରେ ବସି ପାଠ ପଢ଼ୁଛନ୍ତି ଛାତ୍ରଛାତ୍ରୀ । ସ୍ମାର୍ଟ କ୍ଲାସରୁମ, ପାଠାଗାର, ଇ-ଲାଇବ୍ରେରି ଓ ଆଧୁନିକ ବିଜ୍ଞାନାଗାରକୁ ନେଇ ରୂପାନ୍ତରିତ ହେଉଛି ହାଇସ୍କୁଲ । ପାଠପଢ଼ା ସହିତ କ୍ରୀଡ଼ାର ବିକାଶ ଏବଂ ଛାତ୍ରଛାତ୍ରୀଙ୍କ ସର୍ଜନାତ୍ମକ ପ୍ରତିଭାର ପ୍ରଦର୍ଶନ ଲାଗି ସ୍କୁଲଗୁଡ଼ିକରେ ବିଶେଷ ସୁଯୋଗ ସୃଷ୍ଟି କରାଯାଉଛି । ରାଜ୍ୟରେ କ୍ରମାଗତ ଭାବେ ଚାଲିଛି ସ୍କୁଲ ରୂପାନ୍ତରିକରଣ କାର୍ଯ୍ୟକ୍ରମ ।
ଆଜି ଦ୍ବିତୀୟ ପର୍ଯ୍ୟାୟ ରୂପାନ୍ତରଣର ତୃତୀୟ ଦିନରେ ରାଜ୍ୟର ୫ଟି ଜିଲ୍ଲାର ୪୯୨ ହାଇସ୍କୁଲକୁ ଲୋକାର୍ପଣ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । କେନ୍ଦୁଝର ଜିଲ୍ଲାରେ ୧୪୫ ହାଇସ୍କୁଲ, ରାୟଗଡ଼ାରେ ୭୦, ନୂଆପଡ଼ାରେ ୪୫, ଦେବଗଡ଼ରେ ୫୨ ଓ ସୁନ୍ଦରଗଡ଼ରେ ୧୮୦ଟି ହାଇସ୍କୁଲକୁ ଲୋକାର୍ପଣ କରିବାର କାର୍ଯ୍ୟକ୍ରମ ରହିଛି ।
