ଟିମ ଇଣ୍ଡିଆର ଏହି ଖେଳାଳୀ ସହିଛନ୍ତି ଛାଡପତ୍ର ଯନ୍ତ୍ରଣା
ନନ୍ଦିଘୋଷ ବ୍ୟୁରୋ: କ୍ରିକେଟ ଜଗତରେ ଏବେ ବିବାହ ବିଚ୍ଛେଦ । ନିକଟରେ ହାର୍ଦ୍ଦିକ ପାଣ୍ଡ୍ୟା ଏବଂ ନତାଶା ଷ୍ଟାନକୋଭିକଙ୍କ ବିବାହ ବିଚ୍ଛେଦ ଘଟଣା ଏବେ ପ୍ରଶଂସକଙ୍କୁ ନିରାଶ କରିଛି । ଏହି ଛାଡପତ୍ର ସହିତ ସେ ନିଜ ପୁଅକୁ ମଧ୍ୟ ହରାଇଛନ୍ତି। ପୁଅ ଅଗସ୍ତ୍ୟକୁ ନେଇ ମା ନତାଶା ସର୍ବିଆ ଚାଲିଯାଇଛନ୍ତି। କେବଳ ପାଣ୍ଡ୍ୟା ନୁହେଁ ଏମିତି କିଛି କ୍ରିକେଟର ଅଛନ୍ତି ଯେଉଁମାନଙ୍କର ହୋଇଛି ଛାଡପତ୍ର ।
ଶିଖର ଧୱନ
ଏକଦା ରୋହିତ ଶର୍ମାଙ୍କ ଓପନିଂ ପାର୍ଟନର ଥିବା ଶିଖର ଧୱନ ଛାଡପତ୍ରର ଯନ୍ତ୍ରଣା ଭୋଗିଛନ୍ତି। ସେ 2009 ରେ ମେଲବର୍ଣ୍ଣର ଆୟେଶା ମୁଖାର୍ଜୀଙ୍କୁ ବିବାହ କରିଥିଲେ । ଉଭୟଙ୍କ ଏକ ପୁଅ ମଧ୍ୟ ଅଛି । ଉଭୟ ୧୧ ବର୍ଷ ପର୍ଯ୍ୟନ୍ତ ସମ୍ପର୍କରେ ଥିବାବେଳେ ଉଭୟଙ୍କ ମଧ୍ୟରେ ମତଭେଦ ଦେଖାଦେଇଥିଲା । ୨୦୨୩ ମସିହାରେ ଧାୱନ ମାନସିକ ନିର୍ଯ୍ୟାତନା କାରଣ ଦର୍ଶାଇ ଆୟେଶାଙ୍କୁ ଛାଡପତ୍ର ଦେଇଥିଲେ। ଆୟେଶା ପୁଅକୁ ନେଇ ଅଷ୍ଟ୍ରେଲିଆରେ ରହୁଛନ୍ତି ।
ଦୀନେଶ କାର୍ତ୍ତିକ
ଦୀନେଶ କାର୍ତ୍ତିକ ୨୦୦୭ ମସିହାରେ ତାଙ୍କ ପିଲାଦିନର ବନ୍ଧୁ ନିକିତା ବଞ୍ଜାରାଙ୍କୁ ବିବାହ କରିଥିଲେ। କିନ୍ତୁ ସେମାନଙ୍କ ବିବାହ କେବଳ ୫ ବର୍ଷ ପର୍ଯ୍ୟନ୍ତ ତିଷ୍ଠି ପାରିଥିଲା । ୨୦୧୨ରେ କାର୍ତ୍ତିକଙ୍କ ପତ୍ନୀ ତାଙ୍କ ସାଥୀ କ୍ରିକେଟର ମୁରଲୀ ବିଜୟଙ୍କ ନିକଟତର ହୋଇଥିଲେ । କାର୍ତ୍ତିକ ଏହା ଜାଣି ଆଶ୍ଚର୍ଯ୍ୟ ହୋଇଥିଲେ। ଏହା ପରେ ସେମାନେ ଛାଡପତ୍ର ନେଇଥିଲେ। ପରେ, କାର୍ତ୍ତିକ ୨୦୧୫ରେ ସ୍କ୍ୱାସ୍ ଖେଳାଳି ଦୀପିକା ପାଲିକଲଙ୍କୁ ବିବାହ କରିଥିଲେ ।
ମହମ୍ମଦ ସାମି
ଭାରତୀୟ ଦ୍ରୁତ ବୋଲର ମହମ୍ମଦ ଶାମି ୨୦୧୪ରେ ହସିନ ଜାହାନଙ୍କୁ ବିବାହ କରିଥିଲେ। ଉଭୟଙ୍କ ପ୍ରଥମ ଦେଖା ଆଇପିଏଲ୍ ସମୟରେ ହୋଇଥିଲା। ହାସିନ୍ ଜାହାନ୍ ସେହି ସମୟରେ କୋଲକାତା ନାଇଟ୍ ରାଇଡର୍ସର ଚିଅର ଲିଡର୍ ଥିଲେ। ୪ ବର୍ଷ ବିବାହ ପରେ ହାସିନ୍ ଜାହାନ୍ ସର୍ବସାଧାରଣରେ ଶାମିଙ୍କୁ ୨୦୧୮ରେ ବିବାହ କରିଥିଲେ । କିନ୍ତୁ ସାମିଙ୍କ ଅନ୍ୟ ଝିଅଙ୍କ ସହ ସମ୍ପର୍କ ଥିବା ଅଭିଯୋଗ କରିଥିଲେ ହାସିନ। ସେବେଠାରୁ ଉଭୟ ଅଲଗା ରୁହନ୍ତି ।ଶାମିଙ୍କର ଏକ ଝିଅ ମଧ୍ୟ ଅଛି ।
ମହମ୍ମଦ ଆଜ୍ହାରୁଦ୍ଦିନ
ଭାରତୀୟ ଦଳର ପୂର୍ବତନ ଅଧିନାୟକ ଥିବା ମହମ୍ମଦ ଅଜହରୁଦ୍ଦିନ ଥରେ ନୁହେଁ ଦୁଇଥର ଛାଡପତ୍ର ଦେଇଛନ୍ତି। ସେ ତାଙ୍କର ପ୍ରଥମ ପତ୍ନୀଙ୍କୁ ୧୯୯୬ରେ ଛାଡପତ୍ର ଦେଇ ବଲିଉଡ ଅଭିନେତ୍ରୀ ସଂଗୀତା ବିଜଲାନିଙ୍କୁ ବିବାହ କରିଥିଲେ। କିଛି ବର୍ଷ ପରେ ସେ ସଙ୍ଗୀତା ବିଜଲାନିଙ୍କୁ ମଧ୍ୟ ଛାଡପତ୍ର ଦେଇଥିଲେ ।
ବିନୋଦ କାମ୍ବଲି
ଭାରତୀୟ କ୍ରିକେଟର ବିନୋଦ କାମ୍ବଲି ପିଲାଦିନର ବନ୍ଧୁ ନୋଏଲା ଲୁଇସଙ୍କୁ ୧୯୯୮ ରେ ବିବାହ କରିଥିଲେ। ବିବାହ ପରେ ପତ୍ନୀଙ୍କୁ ନିର୍ଯାତନା ଦିଆଯାଉଥିବା ଅଭିଯୋଗ ହୋଇଥିଲା। ଏହା ପରେ ସେ ତାଙ୍କ ପତ୍ନୀଙ୍କ ଠାରୁ ଛାଡପତ୍ର ନେଇଥିଲେ।
