ଗୁଣୁପୁର : ରାୟଗଡା ଗୁଡାରି ବ୍ଲକ ଅନ୍ତର୍ଗତ ଏମ୍କେରାଇ ଅଞ୍ଚଳରେ ଚାଷୀଙ୍କ ପାଇଁ ରହିଛି ଦୁଇଟି ପ୍ରକଳ୍ପ। ଗୋଟିଏ ଉଠାଜଳସେଚନ ବିଭାଗ ପକ୍ଷରୁ ପ୍ରକଳ୍ପ ହୋଇଥିବା ବେଳେ ଆଉ ଗୋଟିଏ କ୍ଷୁଦ୍ର ଜଳ ସେଚନ ବିଭାଗ ପକ୍ଷରୁ ଚେକଡ୍ୟାମ୍ ରହିଛି। ୧୦ ମାସ ପୁର୍ବେ ୧୫ ଲକ୍ଷ ୪୪ ହଜାର ଟଙ୍କା ବ୍ୟୟ ଅଟକଳରେ ଏକ ଉଠାଜଳସେଚନ ପ୍ରକଳ୍ପ କରାଯାଇଛି। ଏହି ପ୍ରକଳ୍ପରେ ୧୬ଟି ଚାଷୀକୁ ୫୦ ଏକର ଜମିରେ ପାଣି ଯୋଗାଇବା ପାଇଁ କ୍ଷମତା ରହିଥିବା ଫଳକରେ ଉଲ୍ଲେଖ ରହିଛି। ପ୍ରକଳ୍ପ ହେବା ଦିନରୁ ଗୋଟିଏ ଦିନ ବି ଚାଷୀ ପାଣି ଜମିରେ ପାଇନଥିବା ଅଭିଯୋଗ କରିଛନ୍ତି। ସେହିଭଳି କ୍ଷୁଦ୍ର ଜଳସେଚନ ବିଭାଗ ପକ୍ଷରୁ ହୋଇଥିବା ଏକ ଚେକଡ୍ଯାମ୍ ରହିଛି। ଏହି ଚେକଡ୍ଯାମ ଓ୍ବାଲ ଭାଙ୍ଗିଯିବା ସହ ପାଣି ଲିକେଜ୍ ହେବା ଯୋଗୁଁ ପାଣି ଷ୍ଟୋରେଜ ରହୁନି ।
ସାଉଥକୋ ବିଦ୍ୟୁତ୍ ସେବା ସଠିକ୍ ସମୟରେ ଦେଉନଥିବାରୁ ସମସ୍ଯା ହେଉଥିଲା, ଶୀଘ୍ର ଚାଷୀ ପାଣି ପାଇବେ ବୋଲି କହିଛନ୍ତି ଉଠା ଜଳସେଚନ ନିର୍ବାହୀ ଅଧିକାରୀ। ଅନ୍ୟପଟେ ସାଉଥକୋ ନିର୍ବାହୀଯନ୍ତ୍ରୀ କହିଛନ୍ତି ଉଠା ଜଳସେଚନ କାମ ସରିନାହିଁ। ବିଦ୍ୟୁତ୍ ବିଭାଗ ଅନୁସଂନ୍ଧାନ କରି ବିଦ୍ୟୁତ୍ ଯୋଗାଉଛି। ତୁରନ୍ତ ପ୍ରଶାସନ ପଦକ୍ଷେପ ନେବା ପାଇଁ ଚାଷୀ ଦାବି କରିଛନ୍ତି।
