ଭୟଙ୍କର ହୋଇପାରେ ଯୁଦ୍ଧ: ସବୁ ପ୍ରକାର ଅସ୍ତ୍ର ପ୍ରୟୋଗ କରିବୁ କହିଲେ ପୁଟିନ୍

ନୂଆଦିଲ୍ଲୀ: ଆହୁରି ଭୟଙ୍କର ହେବ ଋଷ ଓ ୟୁକ୍ରେନ୍ ମଧ୍ୟରେ ଯୁଦ୍ଧ । ଋଷର ସୁରକ୍ଷା ପାଇଁ ଆମେ ସବୁ ପ୍ରକାର ଅସ୍ତ୍ର ପ୍ରୟୋଗ କରିବୁ ବୋଲି କହିଲେ ରାଷ୍ଟ୍ରପତି ପୁଟିନ୍  । ପାଶ୍ଚାତ୍ୟ ଦେଶରୁ ଆକ୍ରମଣ ଆଶଙ୍କା କରି ପରମାଣୁ ଆକ୍ରମଣ ପାଇଁ ଧମକ ଦେଇଛନ୍ତି ପୁଟିନ୍ । ଏଥିସହ ସେନାକୁ ମଧ୍ୟ ଆଲର୍ଟରେ ରହିବାକୁ  ପୁଟିନ୍ ନିର୍ଦ୍ଦେଶ ଦେଇଛନ୍ତି  ।

ଋଷର ପାର୍ଶ୍ବବର୍ତ୍ତି ଅଞ୍ଚଳରେ ପାଖାପାଖି ୩ ଲକ୍ଷ ସେନାକୁ ସ୍ଥାନାନ୍ତର କରାଯାଇଛି  । ଆମେରିକା ଓ ୟୁରୋପ ଋଷ ଉପରେ ଆକ୍ରମଣ କରିପାରନ୍ତି ବୋଲି ପୁଟିନ୍ ସନ୍ଦେହ କରିଛନ୍ତି । ଆଗକୁ ବଡ଼ ମୁକାବିଲା ହେବ । ଏଥିପାଇଁ ପ୍ରସ୍ତୁତ ରହିବାକୁ ଦେଶବାସୀଙ୍କୁ ଆହ୍ବାନ କରିଛନ୍ତି ।