ନନ୍ଦିଘୋଷ ବ୍ୟୁରୋ :ସାହି ସାହି ମଧ୍ୟରେ ବିବାଦ ନେଲା ଉଗ୍ରରୂପ । ପୁରୁଣା ବିବାଦକୁ ନେଇ ସଂଘବଦ୍ଧ ଆକ୍ରମଣ । ଆକ୍ରମଣରେ ବାପ ମୃତ, ପୁଅ ଗୁରୁତର । ଭଦ୍ରକ ଗ୍ରାମାଞ୍ଚଳ ଥାନା ରାନ୍ଦିଆ ଜେନାସାହିରେ ହତ୍ୟାକାଣ୍ଡ ଘଟିଛି । ଏହି ଅଞ୍ଚଳରେ ସାହି ସାହି ମଧ୍ୟରେ ପୁରୁଣା ବିବାଦ ଥିଲା । ଏବେ ପୁଣି କୌଣସି କାରଣକୁ ନେଇ ଝଗଡା ହୋଇଥିଲା । ପରେ ଗୋଟିଏ ପକ୍ଷର ୩୦ରୁ ଅଧିକ ଲୋକ ସଂଘବଦ୍ଧ ଭାବେ ଆସି ଲକ୍ଷ୍ମୀଧର ଜେନାକୁ ଆକ୍ରମଣ କରିଥିଲେ । ପରେ ଦୁଇ ପୁଅ ବଞ୍ଚାଇବାକୁ ଆସିବା ବେଳ ସେମାନଙ୍କୁ ମଧ୍ୟ ଆକ୍ରମଣ ହୋଇଥିଲା । ଆକ୍ରମଣରେ ବାପା ଲକ୍ଷ୍ମୀଧର ଜେନାଙ୍କ ମୃତ୍ୟୁ ହୋଇଥିବା ବେଳେ ପୁଅ ପର୍ଶୁରାମ ଜେନା ଗୁରୁତର ହୋଇଛନ୍ତି। ତାଙ୍କୁ ଭଦ୍ରକ ମେଡିକାଲରେ ଭର୍ତ୍ତି କରାଯାଇଥିଲା । ଅବସ୍ଥା ସଙ୍କଟାପନ୍ନ ହେବାରୁ ପର୍ଶୁରାମଙ୍କୁ କଟକ ମେଡିକାଲ କୁ ସ୍ଥାନାନ୍ତର କରାଯାଇଛି । ଭଦ୍ରକ ଗ୍ରାମାଞ୍ଚଳ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।
