ନନ୍ଦିଘୋଷ ବ୍ୟୁରୋ :ଓଡ଼ିଶାର ପୁଅଙ୍କ ହାତର ଯାଦୁ ଇଜିପ୍ଟର କାଇରୋ ସହରରେ ଆୟୋଜିତ ସିଜିସି ୱାର୍ଲ୍ଡ କପ୍ରେ ଇଣ୍ଡିଆ ପାଇଁ ପ୍ରତିନିଧିତ୍ୱ କରି ଚର୍ଚ୍ଚାରେ ଓଡ଼ିଶା ର ବୌଦ୍ଧ ଜିଲ୍ଲା ର ଅଞ୍ଜନ କୁମାର ମାରଣ । ୧୭ଟି ଦେଶର ପ୍ରତିଯୋଗୀଙ୍କ ମଧ୍ୟରେ ୫୨ ଜଣ ପ୍ରତିଯୋଗୀ ସାମିଲ ହୋଇଥିବା ବେଳେ ଭାରତର ଏକମାତ୍ର ପ୍ରତିନିଧି ଭାବେ ଅଞ୍ଜନ ଦେଖାଇଛନ୍ତି ନିଜ ହାତର ଯାଦୁ ।ମୋବାଇଲ ମରାମତି କ୍ଷେତ୍ରରେ ନିଜର ସ୍ୱତନ୍ତ୍ର ପରିଚୟ ।
ଆଉ ଏବେ ବିଦେଶ ମାଟିରେ ଦେଶ ପାଇଁ ଗୌରବ ଆଣିଛନ୍ତି ଓଡ଼ିଶାର ପୁଅ ଅଞ୍ଜନ କୁମାର ମାରଣ । ଇଜିପ୍ଟର କାଇରୋ ସହରରେ ଆୟୋଜିତ ସିଜିସି ୱାର୍ଲ୍ଡ କପ୍ -୨୦୨୬ ପାଇଁ ମନୋନୀତ ହୋଇଥିଲେ ଅଞ୍ଜନ ବିଶ୍ୱର ୧୭ଟି ଦେଶରୁ ୫୨ ଜଣ ପ୍ରତିଯୋଗୀ ଏହ ପ୍ରତି ଯୋଗିତାରେ ଭାଗ ନେଇଥିବା ବେଳେ ଭାରତର ଏକମାତ୍ର ପ୍ରତିନିଧି ଭାବେ ସେ ନେଇଥିଲେ ଭାଗ । ଆଇଫୋନ ମୋବାଇଲକୁ କେତେ କମ୍ ସମୟରେ ଖୋଲିବା ମରାମତି କରିବା ଏବଂ ପୁଣି ଫିଟିଂ କରି ଚାଲୁ କରିବା ଏହି ଦକ୍ଷତାର ପରୀକ୍ଷା ହୋଇଥିଲା ୱାର୍ଲ୍ଡ କପ୍ରେ । ଆଉ ଏଥିରେ ନିଜ ଦକ୍ଷତାର ପ୍ରମାଣ ଦେଇଛନ୍ତି ଅଞ୍ଜନ ।ବିଦେଶ ମାଟିରେ ଦେଶ ପାଇଁ ପ୍ରତିନିଧିତ୍ୱ କରିବା ନିଶ୍ଚିତ ଭାବେ ଗର୍ବର ବିଷୟ । ନିଜ ଦକ୍ଷତାକୁ ବିଶ୍ୱସ୍ତରୀୟ ମଞ୍ଚରେ ପ୍ରଦର୍ଶନ କରିବାର ସୁଯୋଗ ମିଳିଥିବାରୁ ଅଞ୍ଜନ ମଧ୍ୟ ଖୁସି
କେବଳ ଏହି ପ୍ରତିଯୋଗିତା ନୁହେଁ ପୂର୍ବରୁ ମଧ୍ୟ ଏକାଧିକ ଦେଶକୁ ଯାଇ ଆଇଫୋନ ମୋବାଇଲ ମରାମତିରେ ନିଜ ଦକ୍ଷତା ଦେଖାଇଛନ୍ତି ଅଞ୍ଜନ । ଆଇଫୋନ୍ ଭଳି ଦାମୀ ମୋବାଇଲକୁ କମ୍ ସମୟରେ ମରାମତି କରି ଗ୍ରାହକଙ୍କୁ ଫେରାଇବା ହେଉଛି ତାଙ୍କର ଲକ୍ଷ୍ୟ ଆଧୁନିକ ଯୁଗରେ ଆଇଫୋନ୍ର ଚାହିଦା ବଢ଼ୁଥିବା ବେଳେ ଦ୍ରୁତ ଏବଂ ଦକ୍ଷତାର ସହ ମରାମତି ସେବା ଯୋଗାଇବାକୁ ଗୁରୁତ୍ୱ ଦେଉଛନ୍ତି ଅଞ୍ଜନ । କାଇରୋରେ ନିଜ ହାତର ଯାଦୁ ଦେଖାଇବା ପରେ ଏବେ ତାଙ୍କୁ ବିଭିନ୍ନ ମହଲରୁ ମିଳୁଛି ଶୁଭେଚ୍ଛା । ଆଗାମୀ ୨୦୨୭ ୱାର୍ଲ୍ଡ କପ୍ରେ ମଧ୍ୟ ଭାରତ ପାଇଁ ପ୍ରତିନିଧିତ୍ୱ କରିବାର ଆଶା ରଖିଛନ୍ତି ଅଞ୍ଜନ
ଓଡ଼ିଶାର ମାଟିରୁ ଇଜିପ୍ଟର କାଇରୋ ରେ ଇଜିପ୍ଟର କାଇରୋ ସହରରେ ହର ସିଟ୍ ବସି ହାତର ଯାଦୁରେ ଭାରତୀୟ ତ୍ରିରଙ୍ଗା ପତାକା ଓ ଝଣ୍ଡା ଗଡ଼ିବା ସହ ପଞ୍ଜାବୀ ସଙ୍ଗୀତ ପରିବେଷଣ କରିଥିଲେ ଅଞ୍ଜନ କୁମାର ମହାରଣା। ଭାରତର ପତାକା ଓ ଦେଶର ଗୀତକୁ ବିଦେଶ ମାଟିରେ ପରିବେଷଣ କରି ଦେଶର ଗୌରବ ବଢ଼ାଇଥିବାରୁ ଏହି ମୁହୂର୍ତ୍ତକୁ ନେଇ ସେ ବେଶ୍ ଗର୍ବିତ ବୋଲି କହିଛନ୍ତି। ହାତର ଯାଦୁରେ ମୋବାଇଲ ମରାମତି କରି ବିଶ୍ୱମଞ୍ଚରେ ଦେଶର ନାଁ ଉଚ୍ଚା କରିଛନ୍ତି ଓଡ଼ିଆ ପୁଅ ଅଞ୍ଜନ । ଏବେ ନଜର ୨୦୨୭ ୱାର୍ଲ୍ଡ କପ୍ ଉପରେ ।
