ଜୁଲାଇ ପହିଲାରୁ ଖୋଲିବ ଇଂଜିନିୟରିଂ କଲେଜ, ବିଜ୍ଞପ୍ତି ପ୍ରକାଶ କଲେ AICTE
1 min read
ଭୁବନେଶ୍ୱର: ଜୁଲାଇ ପହିଲାରୁ ଖୋଲିବ ଇଂଜିନିୟରିଂ କଲେଜ । ଦେଶର ସମସ୍ତ ଇଂଜିନିୟରି କଲେଜ ଓ ପ୍ରଫେସନାଲ ଏଜୁକେସନ୍ ଇନ୍ଷ୍ଟିଚ୍ୟୁଟ୍ ଖୋଲିବା ନେଇ ବିଜ୍ଞପ୍ତି ପ୍ରକାଶ କରିଛି ଅଲ୍ ଇଣ୍ଡିଆ କାଉନସିଲ୍ ଫର ଟେକ୍ନିକାଲ ଏଜୁକେସନ୍ । ଛାତ୍ରଛାତ୍ରୀଙ୍କ ପରୀକ୍ଷା ଓ ଚଳିତ ଶିକ୍ଷାବର୍ଷକୁ ନେଇ AICTE ନୂଆ ଗାଇଡଲାଇନ୍ ଜାରି କରିଛି । ଏନେଇ ଦେଶର ସମସ୍ତ ବୈଷୟିକ ବିଶ୍ୱବିଦ୍ୟାଳୟ କୁଳପତି ଏବଂ ବିଭାଗୀୟ ସଚିବଙ୍କୁ ଚିଠି ଲେଖିଛି AICTE ।
ଇଂଜିନିୟରିଂ ପଢ଼ାକୁ ଗ୍ରୀନ୍ ସିଗ୍ନାଲ
ଜୁଲାଇ ୧ରୁ ଖୋଲିବ ଦେଶର ସବୁ ଇଂଜିନିୟରିଂ କଲେଜ
ଶେଷ ବର୍ଷର ବାକି ସେମିଷ୍ଟାର ସାରିବାକୁ ନିର୍ଦ୍ଦେଶ
ଜୁଲାଇ ୧ ରୁ ୩୧ ମଧ୍ୟରେ ସରିବ ଟର୍ମିନାଲ ଏବଂ ଇଣ୍ଟରମିଡିଏଟ୍ ପରୀକ୍ଷା
କରୋନା ପାଇଁ ଫି ବୃଦ୍ଧି ଉପରେ ପ୍ରତିବନ୍ଧକ
ଦେଶର ସମସ୍ତ ବୈଷୟିକ ବିଶ୍ୱବିଦ୍ୟାଳୟ ଏବଂ ବିଭାଗୀୟ ସଚିବମାନଙ୍କୁ ଏଭଳି ନିର୍ଦ୍ଦେଶନାମା ଜାରି କରିଛି ଅଲ୍ ଇଣ୍ଡିଆ କାଉନସିଲ୍ ଫର ଟେକ୍ନିକାଲ ଏଜୁକେସନ୍ । ଚଳିତ ବର୍ଷ ଆଡମିଶନ କରିବାକୁ ଥିବା ପ୍ରଥମ ବର୍ଷର ପିଲାଙ୍କ ପଢା ଅଗଷ୍ଟ ୧ ତାରିଖରୁ ଆରମ୍ଭ କରିବାକୁ ନିର୍ଦ୍ଦେଶନାମା ଜାରି କରାଯାଇଛି । ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଲା ୨୦୨୦-୨୧ ଶିକ୍ଷା ବର୍ଷ ପାଇଁ କୈାଣସି ବୈଷୟିକ ବିଶ୍ୱବିଦ୍ୟାଳୟ କିମ୍ବା ପ୍ରଫେସନାଲ ଏଜୁକେସନ୍ ଇନ୍ଷ୍ଟିଚ୍ୟୁଟ୍ ଫି ବୃଦ୍ଧି କରିପାରିବେ ନାହିଁ । ନୂତନ ଏକାଡେମିକ୍ ଅଧିବେଶନ ପାଇଁ ଆଡମିଶନ ଫି ହେଉ କିମ୍ବା ଅନ୍ୟ କୈାଣସି ଶୁକ୍ଳ ବୃଦ୍ଧି ନ କରିବାକୁ ଚିଠିରେ ଉଲ୍ଲେଖ କରାଯାଇଛି ।
ଲକଡାଉନ୍ ସମୟରେ ଆଡମିଶନ କିମ୍ବା ଅନ୍ୟାନ୍ୟ ଫି ଦେବାକୁ ଅସମର୍ଥ ଥିବା ଛାତ୍ରଛାତ୍ରୀଙ୍କୁ କଲେଜ କର୍ତ୍ତପକ୍ଷ ଆଗୁଆ ଦେୟ ଦେବାକୁ ବାଧ୍ୟ କରିପାରିବେ ନାହିଁ ବୋଲି AICTE ନିର୍ଦ୍ଦେଶ ଦେଇଛି । ଯଦି ଏଭଳି କରିବେ ତେବେ ସେମାନଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ନିଆଯିବ ବୋଲି AICTE କହିଛି । ଚଳିତ ଶିକ୍ଷା ବର୍ଷ ପାଇଁ ଅଗଷ୍ଟ ୧ ତାରିଖରୁ ବିଦ୍ୟାର୍ଥୀମାନେ ପାଠ ପଢିବେ । ପତ୍ର ମାଧ୍ୟମ ଶିକ୍ଷାର୍ଥୀମାନେ ଅଗଷ୍ଟ ୧୫ ତାରିଖ ଠାରୁ ନାମ ଲେଖାଇପାରିବେ । ଯଦି ଜୁଲାଇ ପର୍ଯ୍ୟନ୍ତ ସ୍ଥିତି ସ୍ୱାଭାବିକ ନ ହୁଏ ତେବେ ନୂଆ ସେମିଷ୍ଟାର ନିମନ୍ତେ ଅନ୍ଲାଇନ୍ କ୍ଳ।ସ କରିବାକୁ AICTE ବିଜ୍ଞପ୍ତିରେ ପ୍ରକାଶ କରିଛି ।
