ନିଷ୍ପତ୍ତି ବଦଳାଇଲେ ସୁର ରାଉତରାୟ, ଦ୍ରୌପଦୀଙ୍କୁ ସମର୍ଥନ ପାଇଁ ଆଉ ସୋନିଆଙ୍କୁ ଲେଖିବେନି ଚିଠି

ଭୁବନେଶ୍ୱର: NDAର ରାଷ୍ଟ୍ରପତି ପ୍ରାର୍ଥୀ ଦ୍ରୌପଦୀ ମୁର୍ମୁଙ୍କୁ ସମର୍ଥନ ପ୍ରସଙ୍ଗ ନେଇ ପିସିସି ସଭାପତି ଶରତ ପଟ୍ଟନାୟକଙ୍କ ପ୍ରତିକ୍ରିୟା । ଦ୍ରୌପଦୀ ମୁର୍ମୁ ଓଡ଼ିଶା ମାଟିରେ ଜନ୍ମ ହୋଇଥିବାରୁ ଗର୍ବ କରୁଛୁ । ହେଲେ ଏହା ମାଟିର ଲଢ଼େଇ ନୁହେଁ ପାର୍ଟିର ଲଢ଼େଇ। ମାଟି ପାଇଁ ଲଢେଇ ହେଲେ ଜୀବନ ଦେଇଦେବୁ । ଉଭୟ UPA ଓ NDA ପ୍ରାର୍ଥୀ ଦେଇଛନ୍ତି । ସୁରେଶ ରାଉତରାୟ ବରିଷ୍ଠ ଲୋକ । ସେ ବୁଦ୍ଧିଜୀବୀ, ପାର୍ଟି ଲାଇନରେ ରହିବେ ବୋଲି ଶରତ କହିଛନ୍ତି । କଂଗ୍ରେସ ହାଇକମାଣ୍ଡ ଯାହାକୁ କହିବେ, ତାଙ୍କୁ ଭୋଟ୍ ଦେବେ । ବିହାର ମାଟିର ଯଶଓ୍ୱନ୍ତ ସିହ୍ନା, ବିହାର ବିଜେପି ତାଙ୍କୁ ଭୋଟ ଦେବ କି ବୋଲି ଶରତ ପ୍ରଶ୍ନ କରିଛନ୍ତି ।

ସେପଟେ ନିଷ୍ପତ୍ତି ବଦଳାଇଲେ କଂଗ୍ରେସ ବିଧାୟକ ସୁରେଶ ରାଉତରାୟ । ଦ୍ରୌପଦୀଙ୍କୁ ସମର୍ଥନ ପାଇଁ ଆଉ ସୋନିଆ ଗାନ୍ଧୀଙ୍କୁ ଚିଠି ଲେଖିବେ ନାହିଁ ବୋଲି ସୁର ରାଉତରାୟ କହିଛନ୍ତି । ଦଳର ନିଷ୍ପତ୍ତି ମାନିବେ ଓ ଯଶଓ୍ୱନ୍ତ ସିହ୍ନାଙ୍କୁ ହିଁ ଭୋଟ ଦେବେ । ପାର୍ଟି ଆଗ । ତେବେ ଯଶଓ୍ୱନ୍ତଙ୍କ ପାଇଁ କ୍ରସ ଭୋଟିଂ ହୋଇପାରେ ବୋଲି ସୁର କହିଛନ୍ତି ।