ଇଲେକ୍ଟ୍ରୋଲାର ବଣ୍ଡ ମାମଲାରେ SIT ତଦନ୍ତ ଆବେଦନ ଅଗ୍ରାହ୍ୟ
1 min read
ନୂଆଦିଲ୍ଲୀ: ଇଲେକ୍ଟ୍ରୋରାଲ ବଣ୍ଡ ମାମଲାର ଏସଆଇଟି ତଦନ୍ତ ଆବେଦନକୁ ଅଗ୍ରାହ୍ଯ କରିଦେଲେ ସୁପ୍ରିମକୋର୍ଟ । ଉଚ୍ଚତମ ନ୍ୟାୟାଳୟଙ୍କ ଜଣେ ଅବସରପ୍ରାପ୍ତ ବିଚାରପତିଙ୍କ ତତ୍ବାବଧାନରେ ଏସଆଇଟି ତଦନ୍ତ ପାଇଁ ଆବେଦନ କରାଯାଇଥିଲା । ଏଥିରେ ସରକାର, ଶାସକ ଦଳ ଓ ବଡ଼ ବଡ଼ କମ୍ପାନୀ ସାମିଲ ଥିବାରୁ ଏସଆଇଟି ତଦନ୍ତ ପାଇଁ ୪ଟି ଆବେଦନ ହୋଇଥିଲା । ସେମାନଙ୍କ ମଧ୍ଯରେ ଥିଲେ ବିଶିଷ୍ଟ ସୁପ୍ରିମକୋର୍ଟ ଓକିଲ ପ୍ରଶାନ୍ତ ଭୂଷଣ ।
କୋର୍ଟ କହିଛନ୍ତି- ଚାନ୍ଦା ନେଇ ରାଜନୈତିକ ଦଳ ଓ କମ୍ପାନୀ ମଧ୍ଯରେ ସଲାସୁତୁରା ନିର୍ଦ୍ଦିଷ୍ଟ ଅଭିଯୋଗ ଆସିଲେ ଆଇନ ଅନୁସାରେ ତାର ବିଚାର କରାଯିବ । ବର୍ତ୍ତମାନ ପରିସ୍ଥିତିରେ ଅନୁମାନ କରି ହସ୍ତକ୍ଷେପ କରିବା ଠିକ୍ ହେବନି । ଆଇନ ଯଦି ଠିକରେ କାର୍ଯ୍ଯକାରୀ ନ ହୁଏ, ତେବେ ହୁଏତ କୋର୍ଟ ହସ୍ତକ୍ଷେପ କରିବେ । କିନ୍ତୁ ବର୍ତ୍ତମାନ ପରିସ୍ଥିତିରେ କୋର୍ଟ କହିପାରିବେ ନାହିଁ ଯେ, ବର୍ତ୍ତମାନର ଆଇନ ଠିକ୍ ଭାବେ କାମ କରୁନି । ଏବେ ଏସଆଇଟି ତଦନ୍ତ ଦରକାର ନାହିଁ ବୋଲି କହିଛନ୍ତି ସୁପ୍ରିମକୋର୍ଟ ।
ଇଲେକ୍ଟ୍ରୋଣାଲ ବଣ୍ଡ ଜରିଆରେ ରାଜନୈତିକ ଦଳଗୁଡ଼ିକୁ ଚାନ୍ଦା ଦିଆଯାଉଥିଲା । ଗତ ଫେବୃଆରିରେ ଏହାକୁ ରଦ୍ଦ କରିଦେଇଥିଲେ ସୁପ୍ରିମକୋର୍ଟ । ଚାନ୍ଦାପ୍ରଦାନକାରୀଙ୍କ ନାଁ ଗୋପନ ରଖାଯାଉଥିବାରୁ ବେଆଇନ କହି ରଦ୍ଦ କରିଥିଲେ ସୁପ୍ରିମକୋର୍ଟ ।
