ଆଜିଠୁ ସୁଭଦ୍ରା ଯୋଜନା ପାଇଁ ଫର୍ମ ଦାଖଲ କରିବେ ଆବେଦନକାରୀ
1 min read
ଭୁବନେଶ୍ବର: ସୁଭଦ୍ରା ଯୋଜନା ପାଇଁ ଆଜିଠୁ ଫର୍ମ ଦାଖଲ । ମୋ ସେବା କେନ୍ଦ୍ର, ଜନ ସେବା କେନ୍ଦ୍ର ଓ ଜିଲ୍ଲା ପ୍ରଶାସନ ଚିହ୍ନଟ କରିଥିବା ସ୍ଥାନରେ ଫର୍ମ ଦାଖଲ ହୋଇପାରିବ । ଏଥିପାଇଁ ପୂର୍ବରୁ ଫର୍ମ ବଣ୍ଟନ କରାଯାଇଥିଲା । ଫର୍ମକୁ ପୂରଣ କରି ଆବଦେନକାରୀ ଦାଖଲ କରିବେ । ଫର୍ମ ସହିତ ଅବେଦନକାରୀଙ୍କୁ ଆଧାର କାର୍ଡର ନକଲ ଦାଖଲ କରିବାକୁ ହେବ ।
କୌଣସି ସମସ୍ଯା ହେଲେ ଏଥିପାଇଁ ଟୋଲଫ୍ରି ନମ୍ବର ମଧ୍ଯ ଜାରି କରାଯାଇଛି । ଯୋଜନାର ଲାଭ ପାଇବା ପାଇଁ ଲୋକମାନେ ଭିଡ ଜମାଉଥିବା ବେଳେ କିଛି ଲୋକ ଆବେଦନ ଶେଷ ହୋଇଯିବ ବୋଲି କହି ଅଧିକ ଭୟଭୀତ କରୁଥିବା ନଜର ଆସିଛି । ସୋମବାର ଉନ୍ମୋଚିତ ହୋଇଥିବା ସୁଭଦ୍ରା ପୋର୍ଟାଲରେ ସମସ୍ତ ପ୍ରକାର ତଥ୍ଯ ରହିଛି । ହିତାଧିକାରୀଙ୍କ ଯୋଗ୍ୟତା, ସେମାନଙ୍କ ଅଧିକାର ୱେବ ପୋର୍ଟାଲରେ ଉପଲବ୍ଧ ଅଛି ।
ତେବେ ବିଜେପି ସରକାର ନିର୍ବାଚନୀ ପ୍ରତିଶୃତି ପାଳନ କରୁନଥିବାରୁ ସବୁଠି ଅସନ୍ତୋଷ ଲାଗି ରହିଛି । ରାଜ୍ୟ ସରକାରଙ୍କ ତ୍ରୁଟିପୂର୍ଣ୍ଣ ନୀତି, ଗାଇଡଲାଇନ୍ ଓ ଆବେଦନ ପ୍ରକ୍ରିୟା ଯୋଗୁ ବାଦ୍ ପଡ଼ୁଛନ୍ତି ଲକ୍ଷ ଲକ୍ଷ ମହିଳା । ରାଜ୍ୟର ସବୁ ମହିଳାମାନଙ୍କୁ ସାମିଲ କରାଯିବାର ପ୍ରତିଶ୍ରୁତି ପ୍ରତାରଣାରେ ପରିଣତ ହୋଇଥିବାରୁ ବିରୋଧୀ ସରକାରଙ୍କୁ ଟାର୍ଗେଟ କରିଛନ୍ତି । ମାସକୁ ମାତ୍ର ୮୩୩ ଟଙ୍କା ସୁଭଦ୍ରା ଯୋଜନାରେ ମହିଳାଙ୍କୁ ମିଳିବ l ଏଥିରେ ମା ମାନେ କିପରି ଉଦ୍ଯୋଗୀ ହେବେ ବୋଲି ପ୍ରଶ୍ନ ଉଠିଛି ।
