ଜାଣନ୍ତୁ କୁଆଡ଼େ ଯିବ ‘ବୁଲ୍ବୁଲ୍’, କ’ଣ କହିଲେ ଏସ୍ଆରସି
1 min read
ଭୁବନେଶ୍ୱର: ବଙ୍ଗୋପସାଗରରେ ସୃଷ୍ଟ ଲଘୁଚାପ ଗଭୀର ଅବପାତରେ ପରିଣତ ହୋଇଛି । ଆସନ୍ତା ୨୪ ଘଣ୍ଟା ମଧ୍ୟରେ ଏହା ବାତ୍ୟାର ରୂପ ନେବ । ତେବେ କୁଆଡ଼େ ଯିବ ବୁଲ୍ବୁଲ୍ ସେ ନେଇ କୌଣସି ସ୍ପଷ୍ଟ ସୂଚନା ମିଳିପାରିନି । ବର୍ତ୍ତମାନର ପରିସ୍ଥିତିରେ ‘ବୁଲ୍ବୁଲ୍’ର ଗତିପଥ ଆକଳନ କରିବା ପାଣିପାଗ ବିଜ୍ଞାନୀମାନଙ୍କ ପାଇଁ ମୁସ୍କିଲ ହୋଇପଡ଼ିଛି ।
ଏହାର ପ୍ରଭାବରେ ଉତ୍ତର ଓ ଉପକୂଳ ଓଡ଼ିଶାରେ ମଧ୍ୟମରୁ ସାମନ୍ୟ ଧରଣର ବର୍ଷା ଆଶଙ୍କା । ୪୦ରୁ ୫୦ କିମି ବେଗରେ ପବନ ବହିପାରେ । ମତ୍ସ୍ୟଜୀବୀମାନଙ୍କୁ ସମୁଦ୍ର ଯିବାକୁ ବାରଣ କରାଯାଇଥିବାବେଳେ, ସମୁଦ୍ରକୁ ଯାଇଥିବା ମତ୍ସ୍ୟଜୀବୀଙ୍କୁ ୭ ତାରିଖ ସୁଦ୍ଧା ଫେରିଆସିବାକୁ ପରାମର୍ଶ ଦିଆଯାଇଛି । ମାଛଧରା ଜେଟିରେ ଏନେଇ ସଚେତନ କରିବାକୁ କୁହାଯାଇଛି। ଆଇଏମଡି ପୂର୍ବାନୁମାନ ଅନୁଯାୟୀ ୮ରେ ଗୋପାଳପୁର ଠାରୁ ୩୨୦, ୯ରେ ଅସ୍ତରଙ୍ଗ ଠାରୁ ୧୭୦ ଓ ୧୦ରେ ପାରାଦୀପ ଠାରୁ ୧୬୦ ଓ ୧୧ରେ ଧାମରାଠୁ ୧୪୦ କିମି ଦୂରରେ ରହିବ ବାତ୍ୟା। ଏହି ସମୟ ମଧ୍ୟରେ ପବନର ବେଗ ଘଣ୍ଟାପ୍ରତି ୪୦ ରୁ ୫୦ କିମି ସର୍ବାଧିକ ୬୦ କିମି ରହିବ।
୧୦ ତରିଖ ସନ୍ଧ୍ୟା ପରଠୁ ୧୧ ତାରିଖ ମଧ୍ୟରେ ବାତ୍ୟା ସ୍ଥଳଭାଗ ଛୁଇଁପାରେ । ଓଡ଼ିଶା ଉପକୂଳରେ ଏହା ସ୍ଥଳଭାଗ ଛୁଇଁବାର ଆଶଙ୍କା କମ୍ ରହିଛି । ସାମ୍ଭାବ୍ୟ ବାତ୍ୟା ନେଇ ସବୁ ଜିଲ୍ଲାପାଳଙ୍କୁ ସତର୍କ କରାଇବା ସହ ରାଜ୍ୟ କୃଷି ବିଭାଗ ପକ୍ଷରୁ ଚାଷୀଙ୍କ ନିମନ୍ତେ ସୂଚନା ଜାରି କରାଯାଇଛି । ଏହାକୁ ଜିଲ୍ଳାପାଳମାନଙ୍କ ଦ୍ୱାରା ପ୍ରକାଶ କରାଯିବ । କେହି ଆତଙ୍କିତ ହେବା ଆବଶ୍ୟକ ନାହିଁ। ସମ୍ଭାବ୍ୟ ବାତ୍ୟାକୁ ନେଇ କେହି ଭୟଭୀତ ହୁଅନ୍ତୁ ନାହିଁ। ବର୍ତ୍ତମାନ ସୁଦ୍ଧା ଉତ୍ତର ଓଡିଶା, ଉପକୂଳ ଓଡିଶାର ଜିଲ୍ଲାର କିଛି ଜିଲ୍ଲାରେ ବର୍ଷା ହେବ। ଅତ୍ୟାବଶ୍ୟକ ଜିନିଷ କିଣି ମହଜୁଦ ରଖି କଳାବଜାରିଙ୍କୁ ପ୍ରୋତ୍ସାହନ ନ ଦେବାକୁ ଏସଆରସି ଙ୍କ ପରାମର୍ଶ । ')}
