ନୋ-ବଲ୍ ପାଇଁ ରହିବେ ସ୍ୱତନ୍ତ୍ର ଅମ୍ପାୟାର
1 min read
ମୁମ୍ବାଇ: ଆଇପିଏଲରେ ଯେଭଳି କୌଣସି ନୋ-ବଲ୍ ନିଷ୍ପତ୍ତି ଭୁଲ୍ ନ ହୁଏ । ସେଥିପ୍ରତି ସ୍ୱତନ୍ତ୍ର ଦୃଷ୍ଟି ଦିଆଯିବ । ଏ ନେଇ ଜଣେ ସ୍ୱତନ୍ତ୍ର ଅମ୍ପାୟାର ରହିବେ । ଆଇପିଏଲ ପରିଚାଳନା ବୈଠକରେ ଏଭଳି ନିଷ୍ପତ୍ତି ନିଆଯାଇଛି । ନୋ-ବଲ୍ ଯାଞ୍ଚ କରିବାରେ ତ୍ରୁଟି ରହିଥିବାରୁ ଗତ କିଛି ସଂସ୍କରଣରେ ବିବାଦ ଦେଖା ଯାଇଥିଲା । ଅମ୍ପାୟାର ଏସ. ରବିଙ୍କ ତ୍ରୁଟିପୂର୍ଣ୍ଣ ନିଷ୍ପତ୍ତି ଯୋଗୁଁ ରୟାଲ ଚ୍ୟାଲେଞ୍ଜର ବେଙ୍ଗଳୁରୁ ମୁମ୍ବାଇ ଇଣ୍ଡିଆନ୍ସ ବିପକ୍ଷରେ ଏକ ମ୍ୟାଚ ହାରିଯାଇଥିଲା ।
ଏ ନେଇ ବିରାଟ କୋହଲି ଅଭିଯୋଗ ଆଣିଥିଲେ । ମୁମ୍ବାଇ ପକ୍ଷରୁ ଲସିଥ୍ ମାଲିଙ୍ଗାଙ୍କ ଏକ ନୋ-ବଲ୍କୁ ଅମ୍ପାୟାର ରବି ଠିକ୍ ଭାବେ ଠଉରାଇ ପାରିନଥିଲେ । ଏଭଳି ସ୍ଥିତିକୁ ଏଡ଼ାଇବା ପାଇଁ ବୈଠକରେ ନିଷ୍ପତ୍ତି ହୋଇଛି । ମ୍ୟାଚରେ ନିୟମିତ ଅମ୍ପାୟାରଙ୍କ ବ୍ୟତୀତ ଜଣେ ସ୍ୱତନ୍ତ୍ର ଅମ୍ପାୟାର ନିଯୁକ୍ତ ହେବେ ଯିଏ କି ଷ୍ଟେପ ନୋ ଏବଂ ୱାଇଟ୍ ନୋ-ବଲ୍ର ଯାଞ୍ଚ କରିବେ । ଅନ୍ୟ ଏକ ନିଷ୍ପତ୍ତି ଅନୁସାରେ ଆଇପିଏଲରେ ଗେମ୍ ଚେଞ୍ଜର ବ୍ୟବସ୍ଥା ସାମୟିକ ଭାବେ ଲାଗୁ ହେବନାହିଁ । ସୂଚନା ଅନୁସାରେ ଆଗାମୀ ଆଇପିଏଲ ସଂସ୍କରଣ ପାଇଁ ଖେଳାଳି ନିଲାମ ଡିସେମ୍ବର ୧୯ ତାରିଖେର କୋଲକାତାରେ ହେବ । ')}
