ଆଜି ଦେବ ଦମ୍ପତିଙ୍କ ବାହାଘର, ମଧ୍ୟରାତ୍ରୀରେ ବରବେଶରେ ବାହାରିବେ ମହାଦେବ

ସମ୍ବଲପୁର: ଦୁଲୁକୁଛି ସମ୍ବଲପୁର । ଆଜି ଦେବ ଦମ୍ପତିଙ୍କ ବାହାଘର । ଝାଡ଼ୁଆପଡ଼ାର ଲୋକନାଥ ବାବା, ବଡ଼ବଜାରର ଶିତଳେଶ୍ବର ବାବା, ମୁଦିପଡ଼ାର ଜାଗେଶ୍ବର ବାବା, ନନ୍ଦପଡ଼ାର ବମବରାଡ ବାଲୁଙ୍କେଶ୍ବର ବାବାଙ୍କର ହେବ ବିବାହ ଉତ୍ସବ । ମଧ୍ୟରାତ୍ରୀରେ ବରବେଶରେ ବାହାରିବେ ଦେବଦେବ ମହାଦେବ । ବିରାଟ ପଟୁଆରରେ କନ୍ୟା ଘରକୁ ବରବେଶରେ ଯିବେ ବାବା ଭୋଳାନାଥ । ବିବାହ ଉତ୍ସବରେ ରାଜ୍ୟ ତଥା ରାଜ୍ୟ ବାହାରର ବହୁ କଳାକାର ସାମିଲ ହେବେ ।

ବିବାହ ପରେ ହେବ କନ୍ୟା ବିଦାୟ ପର୍ବ । ବିଶ୍ବାସ ରହିଛି ଦେବ ଦମ୍ପତିଙ୍କ ଯୁଗଳ ମୂର୍ତ୍ତି ଦର୍ଶନ କଲେ ସମସ୍ତ ପାପ କ୍ଷୟ ହୋଇଥାଏ । ଏଥିପାଇଁ ରାଜ୍ୟ ତଥା ରାଜ୍ୟ ବାହାରର ଲକ୍ଷାଧିକ ଲୋକଙ୍କ ସମାଗମ ହେବ । ବିବାହ ପରେ ବଡ଼ ସିଂହାର ବେଶରେ ଦର୍ଶନ ଦେବେ ବାବା । ଯୁଗଳମୂର୍ତ୍ତିଙ୍କ ନଗର ପରିକ୍ରମା ପରେ ନବ ଦମ୍ପତିଙ୍କ ମନ୍ଦିର ପ୍ରବେଶ ସହ ଶେଷହେବ ଶୀତଳ ଷଷ୍ଠୀ ଯାତ୍ରା । ଏହାପୂର୍ବରୁ ମହାଦେବଙ୍କ ପତରପେଣ୍ଡି ବା ନିର୍ବନ୍ଧ, ମାତା ପାର୍ବତୀଙ୍କ ତେଲ ହଳଦୀ ଓ ବିବାହ ପାଇଁ ନୃସିଂହ ନିଉତା ଶେଥ ହୋଇଥିଲା ।