ଭାରତ ସମେତ ୧୫ ଦେଶର ବିମାନ ଯାତ୍ରୀଙ୍କ ପାଇଁ କଟକଣା ଜାରି କଲା ସାଉଦି ଆରବ

ନୂଆଦିଲ୍ଲୀ: ପୁଣି କଡ଼ ଲେଉଟାଇଛି କରୋନା । ଏହାକୁ ନଜରରେ ରଖି ବିମାନ ଯାତ୍ରୀଙ୍କ ନେଇ କଟକଣା ଜାରି କରିଛି ସାଉଦି ଆରବ । ଭାରତ ସମେତ ଅନ୍ୟ କିଛି ଦେଶରୁ ଫେରୁଥିବା ନାଗରିକଙ୍କ ଉପରେ କଟକଣା ଜାରି କରିଛି ସାଉଦି ଆରବ । କଟକଣା ଲାଗୁ ହୋଇଥିବା ଦେଶ ଗୁଡ଼ିକ ହେଲା  ଭାରତ, ଲେବାନନ୍, ସିରିୟା, ଇରାନ, ଆଫଗାନିସ୍ତାନ, ୟେମନ, ସୋମାଲିଆ, ଇଥୋପିଆ, ଡେମୋକ୍ରାଟିକ୍ ରିପବ୍ଳିକ୍‌ ଅଫ୍ କଙ୍ଗୋ, ଲିବିୟା, ଇଣ୍ଡୋନେସିଆ, ଭିଏତନାମ, ଆର୍ମେନିଆ, ବେଲାଋଷ ଏବଂ ଭେନଜୁଏଲା ।

ଏହା ସହିତ ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ କୁହାଯାଇଛି ଯେ, ଗଲ୍ଫ ଦେଶଗୁଡ଼ିକରେ ମଙ୍କି ପକ୍ସର କୌଣସି ରୋଗୀ ଚିହ୍ନଟ ହୋଇନାହାନ୍ତି । ଯଦି ଏହି ଦେଶମାନଙ୍କରୁ କୌଣସି ରୋଗୀ ଚିହ୍ନଟ ହୋଇଥାଆନ୍ତି, ତାହାର ସଂଖ୍ୟା ବହୁତ କମ୍ ।  ୟୁରୋପରେ ୧୦୦ ମଙ୍କି ପକ୍ସ ମାମଲା ଚିହ୍ନଟ ହେବା ପରେ ବିଶ୍ୱ ସ୍ୱାସ୍ଥ୍ୟ ସଂଗଠନ ଏକ ଜରୁରୀକାଳୀନ ବୈଠକ ଡକାଇଛି । ଉଲ୍ଲେଖଯୋଗ୍ୟ, ୧୧ଟି ଦେଶରେ ସମୁଦାୟ ୮୦ଟି ‘ମଙ୍କିପକ୍ସ୍‌’ ସଂକ୍ରମଣ ଚିହ୍ନଟ ହୋଇଥିବା କଥା ‘ବିଶ୍ୱ ସ୍ୱାସ୍ଥ୍ୟ ସଂଗଠନ’ ସୁନିଶ୍ଚିତ କରି କହିଛି। ଏହି ସଂକ୍ରମଣର ବ୍ୟାପ୍ତି ଓ କାରଣ ସଂକ୍ରାନ୍ତରେ ଅଧିକ ବୁଝିବା ଲାଗି ଉଦ୍ୟମ ଚାଲିଛି ବୋଲି ସେମାନେ କହିଛନ୍ତି।

ଏଥିସହିତ ପଢ଼ନ୍ତୁ: ଜ୍ଞାନବାପି ମାମଲାରେ ରାୟ ସଂରକ୍ଷିତ ରଖିଲେ ବାରାଣସୀ କୋର୍ଟ