ବଲାଙ୍ଗୀର: ସରପଞ୍ଚଙ୍କୁ ଘାରିଛି ଅନାସ୍ଥା ଭୟ। ତେଣୁ ୱାର୍ଡ ମେମ୍ବରଙ୍କୁ ଭୋଜି ଭାତ ଖାଇବାକୁ ଦେଇ ମୁଣ୍ଡିଆ ମାରୁଛନ୍ତି ସରପଞ୍ଚ। ବଲାଙ୍ଗୀର ତୁରେକେଲା ବ୍ଲକ ବଡବାଙ୍କୀର ସରପଞ୍ଚ ଡୋଳାଧର ବାଗଙ୍କ ମୁଣ୍ଡିଆ ମାରିବା ଭିଡିଓ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି।
ଅନାସ୍ଥାରୁ ରକ୍ଷା ପାଇବା ପାଇଁ ୱାର୍ଡ ମେମ୍ବରମାନଙ୍କୁ ଭୋଜି ଭାତ ଦେଇ ମୁଣ୍ଡିଆ ମାରୁଥିବା ଚର୍ଚ୍ଚା ହେଉଛି। ସରପଞ୍ଚଙ୍କ ବିରୋଧରେ ଅନାସ୍ଥା ଆଣିବା ପାଇଁ ୱାର୍ଡ଼ମେମ୍ବର ମାନେ ବୈଠକ କରିଥିଲେ । ଏହା ଜାଣିବା ପରେ ସରପଞ୍ଚ ଡୋଲାଧର ପହଂଚି ତାଙ୍କ ଭୁଲ୍ ହୋଇଗଲା ବୋଲି କହିଛନ୍ତି। ଅନାସ୍ଥା ପ୍ରସ୍ତାବ ନ ଆଣିବାକୁ ମୁଣ୍ଡିଆ ମାରି ଗୋଡ଼ ହାତ ଧରୁଛନ୍ତି ସରପଞ୍ଚ।
