ସମ୍ବଲପୁରରେ ଆଜି ମୋ ବସ ସେବା ବନ୍ଦ

ସମ୍ବଲପୁର : ସମ୍ବଲପୁରରେ ଆଜି ମୋ ବସ ବନ୍ଦ । ମହିଳା କର୍ମଚାରୀଙ୍କ ବିଭିନ୍ନ ଦାବିନେଇ ବନ୍ଦ ରହିଛି ମୋ ବସ ଚଳାଚଳ । ଦରମା କାଟ ଓ ବସରେ ଅବ୍ଯବସ୍ଥା ବିରୋଧରେ ମହିଳା କର୍ମଚାରୀ ମାନେ ଆନ୍ଦୋଳନକୁ ଓହ୍ଲାଇଛନ୍ତି । ସେମାନଙ୍କ ଅଭିଯୋଗ ଅନୁସାରେ ଗାଡ଼ିରେ ପ୍ରବଳ ଭିଡ଼ ହେଉଥିବାରୁ ଟିକେଟ କାଟିବାରେ ଅସୁବିଧା ହେଉଛି । ଏହାଛଡ଼ା ଅନେକ ସମୟରେ କର୍ମଚାରୀଙ୍କ ଦରମା କାଟ କରାଯାଉଛି। ଏହାକୁ ପ୍ରତିବାଦ କରିବା ସହ ତୁରନ୍ତ ସମସ୍ଯାର ସମାଧାନ ଦାବିରେ ଧାରଣାରେ ବସିଛନ୍ତି ମହିଳା କର୍ମଚାରୀ ।