ନକଲି କଲ୍ ସେଣ୍ଟରରୁ ଆମେରିକୀୟଙ୍କ ଠାରୁ ଲୁଟିଲେ ୧ ବିଲିୟନ୍, ୪୨ ଗିରଫ
ନୂଆଦିଲ୍ଲୀ: ନକଲି କଲ୍ ସେଣ୍ଟରରୁ କଲ୍ କରି ଜନସାଧାରଣଙ୍କୁ ଲୁଟିବା ଭଳି ଘଟଣା ନଜରକୁ ଆସୁଛି । ନୂଆଦିଲ୍ଲୀର ମୋତି ନଗର ପରେ ପିରାଗଡି ଅଞ୍ଚଳରୁ ଏଭଳି ଏକ ନକଲି କଲ୍ ସେଣ୍ଟରକୁ ଧରିଛି ସାଇବର ସେଲ ୟୁନିଟର ସ୍ପେଶାଲ୍ ସେଲ୍ । ଏହି ମାମଲାରେ ୫୦ରୁ ଅଧିକ ଲୋକଙ୍କୁ ଗିରଫ କରାଯାଇଛି ।
ଏହି କଲ୍ ସେଣ୍ଟର ପ୍ରାୟ ୩ ବର୍ଷ ଧରି ଚାଲୁଥିଲା । ଏହି କଲ୍ ସେଣ୍ଟର ମାଧ୍ୟମରେ ଖାସ୍ କରି ଆମେରିକୀୟ ବାସୀଙ୍କୁ ଟାର୍ଗେଟ୍ କରାଯାଉଥିଲା ।
ପୋଲିସର ସୂଚନା ଅନୁଯାୟୀ ଏହି ଲୋକମାନେ ସାଢେ ୪ ହଜାରରୁ ଅଧିକ ଆମେରିକୀୟଙ୍କୁ ନିଜ ଶୀକାର ବନାଇଥିଲେ । ଏହାବ୍ୟତୀତ ଗତ ଦୁଇ ବର୍ଷ ମଧ୍ୟରେ ସେମାନଙ୍କ ଠାରୁ ୧୪ ମିଲିୟନ୍ ଡଲାର ଠକି ନେଇଛନ୍ତି।
କୗେଣସି ସୁତ୍ରରୁ ଖବର ପାଇ ସାଇବର ସେଲ୍ ଟିମ୍ ଗୁରୁବାର ରାତିରେ ପିରାଗଡି ଅଞ୍ଚଳରେ ଚଢାଉ କରିଥିଲା । ରେଡ୍ ପରେ କଲ୍ ଓ କମ୍ପ୍ୟୁଟର ଗୁଡିକୁ ଯାଞ୍ଚ କରାଯାଇଥିଲା । ଉକ୍ତ କଲ୍ ସେଣ୍ଟରକୁ ଚଳାଇବା ଲାଗି ଲାଇସେନ୍ସ ନଥିବା ଜଣାପଡିଛି ।
ତେବେ କଲ୍ ସେଣ୍ଟରର ସମସ୍ତ କର୍ମଚାରୀଙ୍କୁ ଏ ସମ୍ପର୍କରେ ଜଣାଥିବା ଯୋଗୁଁ ମାଷ୍ଟରମାଇଣ୍ଡ ସମେତ ସମସ୍ତ କର୍ମଚାରୀଙ୍କୁ ଗିରଫ କରାଯାଇଥିବା ପୋଲିସ ସୁତ୍ରରୁ ପ୍ରକାଶ ।
