ଧାନମଣ୍ଡିରୁ ଧାନ ଉଠିବା ନେଇ ହନ୍ତସନ୍ତ ହେଉଛନ୍ତି ଚାଷୀ, ଧାନବସ୍ତା ରଖି କଲେ ରାସ୍ତା ରୋକ

ନରସିଂହପୁର: ଧାନମଣ୍ଡିରେ ଚାଷୀଙ୍କ ଧାନ ନଉଠିବାରୁ ରାସ୍ତାରୋକ। କଟକ ଜିଲ୍ଲା ନରସିଂହପୁର ଥାନା ଅନ୍ତର୍ଗତ ସାଗର ଓ ଅଢେଇଗୁଣ୍ଡି ପଞ୍ଚାୟତର ଚାଷୀ କରିଛନ୍ତି ଏହି ରାସ୍ତାରୋକ। କରିଲୋ ଛକ ଠାରେ କଟକ ନରସିଂହପୁର ରାଜ୍ୟ ରାଜପଥକୁ କଲେ ଅବରୋଧ। ସୂଚନା ଅନୁଯାୟୀ ଉକ୍ତ ଦୁଇଟି ପଞ୍ଚାୟତର ଚାଷୀ ମଣ୍ଡିରେ ଧାନ ଦେବା ପାଇଁ ଟୋକନ ପାଇଥିଲେ। ହେଲେ ଟୋକନ୍‌ ପାଖରେ ଥିଲେ ମଧ୍ୟ ଧାନ ବିକ୍ରି କରି ନପାରିନାହାନ୍ତି। ଯେଉଁଥିପାଇଁ ଚାଷୀ ମାନଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି। ଯାହାଫଳରେ ଏହାକୁ ନେଇ ଚାଷୀ ମାନେ ପ୍ରଶାସନକୁ ଅବଗତ କରାଇଥିଲେ ମଧ୍ୟ କୌଣସି ସୁଫଳ ନମିଳିବାରୁ ଚାଷୀ ମାନେ ଉତ୍ୟକ୍ତ ହୋଇ କଟକ ନରସିଂହପୁର ରାଜ୍ୟ ରାଜପଥର ମୁଖ୍ୟରାସ୍ତା କରିଲୋ ଛକ ଠାରେ ଧାନ ବସ୍ତା ରଖି ରାସ୍ତା ଅବରୋଧ କରିଛନ୍ତି। କାନପୁର ପୋଲିସ ଘଟଣା ସ୍ଥଳରେ ପହଞ୍ଚି ଚାଷୀଙ୍କୁ ବୁଝାସୁଝା କରୁଥିବା ଦେଖିବାକୁ ମିଳିଛି।