କାନାଡ଼ାରେ ମର୍ମନ୍ତୁଦ ଦୁର୍ଘଟଣା: ୫ ଭାରତୀୟ ଛାତ୍ର ମୃତ

ଟରୋଣ୍ଟ: କାନାଡର ଟରୋଣ୍ଟରେ ମର୍ମନ୍ତୁଦ ଦୁର୍ଘଟଣାରେ ୫ ଜଣ ଭାରତୀୟ ଛାତ୍ରଙ୍କ ମୃତ୍ୟୁ ଘଟିଛି । ଦୁର୍ଘଟଣାରେ ଅନ୍ୟ ୨ ଜଣ ଭାରତୀୟ ଛାତ୍ର ଗୁରୁତର ଆହତ ହୋଇଛନ୍ତି । ସ୍ଥାନୀୟ ଗଣମାଧ୍ୟମ ଅନୁସାରେ ଭ୍ୟାନ ଓ ଟ୍ରାକ୍ଟର ମଧ୍ୟରେ ଧକ୍କା ଦେଇଥିଲା ।

କାନାଡ଼ା ହାଇ କମିଶନର ଅଜୟ ବିସାରିୟା କହିଛନ୍ତି, ’୧୩ ମାର୍ଚ୍ଚକୁ ଦୁର୍ଘଟଣା ଘଟିଛି । ଭାରତୀୟ ଦୂତାବାସ ତରଫରୁ ମୃତ ଛାତ୍ରଙ୍କ ସାଙ୍ଗମାନଙ୍କ ସହ ଆଲୋଚନା କରୁଛନ୍ତି ।’

ଟରୋଣ୍ଟ ସାନ ରିପୋର୍ଟ ଅନୁସାରେ, ଦୁର୍ଘଟଣାରେ ହରପ୍ରିତ ସିଂ, ଜସପିନ୍ଦର ସିଂ, କରନପାଲ ସିଂ, ମୋହିତ ଚୌହାନ ଏବଂ ପବନ କୁମାରଙ୍କ ମୃତ୍ୟୁ ଘଟିଛି । ମୃତ ଛାତ୍ର ୨୧ରୁ ୨୪ ବର୍ଷ ମଧ୍ୟରେ ।