ଜିଓ ବ୍ରଡବ୍ୟାଣ୍ଡର ଖାସ୍ ଅଫର: ୧୯୯ ଟଙ୍କିଆ ସାପ୍ତାହିକ ପ୍ଳାନ୍ରେ ପାଇପାରିବେ ୧୦ ଗୁଣା ଅଧିକ ଡେଟା
ରିଲାଏନ୍ସ ଜିଓ ଫାଇବର ବ୍ରଡବ୍ୟାଣ୍ଡ ମାର୍କେଟରେ ମଧ୍ୟ ନିଜ ବ୍ୟବସାୟ ବିସ୍ତାର ପାଇଁ ପ୍ରସ୍ତୁତି ଚଳାଇଛି । ପ୍ରଥମ ବର୍ଷରେ ୫୦ ମିଲିୟନ୍ ୟୁଜର୍ସ ପାଇବାକୁ ଲକ୍ଷ୍ୟ ରଖିଛି ରିଲାଏନ୍ସ ଫାଇବର । ବର୍ତ୍ତମାନର ଜିଓ ଫାଇବର ଗ୍ରାହକ ପ୍ରିଭ୍ୟୁ ଆଫର ସରିବା ପରେ ଲୋକାଲ୍ ଇଣ୍ଟରନେଟ୍ ସର୍ଭିସ ପ୍ରୋଭାଇଡର ଆଡକୁ ମୁହାଁଉଛନ୍ତି । ଏହାର ବଡ଼ କାରଣ ହେଉଛି ଜିଓ ବ୍ରଡବଣ୍ଡରେ ଦିଆଯାଇଥିବା ଏଫ୍ୟୁପି ଲିମିଟ୍ । କିନ୍ତୁ ଗୋଟିଏ ଟ୍ରିକ ସହାୟତାରେ ଜିଓ ଫାଇବର ୟୁଜର୍ସ କମ୍ ଦାରରେ ମାସକର ପ୍ଳାନ୍ରେ ୧୦ ଗୁଣା ଅଧିକ ଡାଟା ପାଇପାରିବେ । ୧୯୯ ଟଙ୍କିଆ ପ୍ଳାନ୍ରେ କମ୍ପାନୀ ପକ୍ଷରୁ ପରିବର୍ତ୍ତନ କରାଯାଇଛି । ଯାହା ଦ୍ୱାରା ଏହା ସମ୍ଭବ ।
ରିଲାଏନ୍ସ ଜିଓ ଫାଇବରର ୧୯୯ ଟଙ୍କିଆ ପ୍ଳାନ୍
ଏହା ୭ ଦିନିଆ ପ୍ଳାନ୍ । ଯେଉଁଥିରେ ୧୯୯ ଟଙ୍କାରେ ଗ୍ରାହକ ୧ ଟିବି ଅର୍ଥାତ ୧୦୦୦ ଜିବି ଡେଟା ମିଳେ । ଲିମିଟ ଶେଷ ହେବା ପରେ ଡାଟା ସ୍ପିଡ୍ ୧୦୦ ଏମ୍ବିପିଏସ୍ ରହିଥାଏ । ଆଉ ଏହା ପରେ ଏହା ୧ ଏମ୍ବିପିଏସ୍ରେ ସୀମତି ହୋଇଥାଏ । ଏହି ପ୍ୟାକ୍କୁ ଯଦି ଆପଣ ୫ ଥର କରନ୍ତି ତେବେ ୫ଟିବି ଡେଟା ମିଳିଥାଏ । ପ୍ରଥମେ ଏହି ପ୍ଳାନ୍ରେ ୧୦୦ ଜିବି ଡେଟା ମିଳୁଥିଲା ।
ଉଦାହରଣ ସ୍ୱରୂପ ଯଦି କୌଣସି ଗ୍ରାହକ ୧୨୯୯ ଟଙ୍କାରେ (୧୮% ଜିଏସ୍ଟି ଅଲଗା) ମାସିକିଆ ପ୍ଳାନ୍ ନିଅନ୍ତି ତେବେ ୨୫୦ ଏମ୍ବିପିଏସ୍ ସ୍ପିଡ୍ ସହିତ ପ୍ରଥମ ୬ ମାସ ପର୍ଯ୍ୟନ୍ତ ୭୫୦ ଜିବି ଡାଟା ମିଳିଥାଏ । ୬ ମାସ ପରେ ଡେଟା ଲିମିଟ ୫୦୦ ଜିବି ହୋଇଥାଏ । ଯଦି ଆପଣ ୧୯୯ ଟଙ୍କିଆ ସାପ୍ତାହିକ ପ୍ଳାନ୍ ନିଆନ୍ତି ତେବେ ଟ୍ୟାକ୍ସ ସମେତ ୧,୧୭୦ ଟଙ୍କା ଦେବାକୁ ପଡ଼ିବ । ଆଉ ଏଥିରେ ଆପଣଙ୍କୁ ୫୦୦୦ ଜିବି ଡାଟା ମିଳେ । ଯାହା ମାସକ ପ୍ଳାନର ୧୦ ଗୁଣା । ଏହିପରି ଭାବେ ୧୦୦ ଏମ୍ବିପିଏସ୍ ସ୍ପିଡ୍ ପର୍ଯ୍ୟାପ୍ତ ଅନୁଭବ କରନ୍ତି ତେବେ ଏହି ଟ୍ରିକ୍କୁ ବ୍ୟବହାର କରି ଅଧିକ ଡାଟା ପାଇପାରିବେ ।
