ସନରାଇଜର୍ସ ହାଇଦ୍ରାବାଦ ବିପକ୍ଷ ମ୍ୟାଚ୍‌ରେ ୬ ରନ୍‌ରେ ଆରସିବି ବିଜୟୀ

1 min read

ଚେନ୍ନାଇ: ବୁଧବାର ଖେଳାଯାଇଥିବା ଚଳିତ ଆଇପିଏଲ୍‌ର ଷଷ୍ଠ ମ୍ୟାଚ୍‌ରେ ବିଜୟୀ ହୋଇଛି ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ । ସନ୍‌ରାଇଜର୍ସ ହାଇଦ୍ରାବାଦ ବିପକ୍ଷରେ ଖେଳାଯାଇଥିବା ମ୍ୟାଚ୍‌ରେ ପ୍ରଥମେ ବ୍ୟାଟିଂ କରିଥିଲା ଆରସିବି। ନିର୍ଦ୍ଧାରିତ ଓଭର ମଧ୍ୟରେ ୧୪୯ ରନ୍ କରିବାକୁ ସମର୍ଥ ହୋଇଥିଲା ଦଳ । ପ୍ରଥମେ ବ୍ୟାଟିଂ କରିଥିବା ଆରସିବି ଏକଦା ୧୨ ଓଭରରେ ୨ ଓ୍ୱିକେଟ ହରାଇ ୯୧ ରନ୍ କରିଥିଲା। କିନ୍ତୁ କ୍ୟାପଟେନ୍ କୋହଲୀଙ୍କ ଆଉଟ୍ ହେବା ପରେ ବ୍ୟାକ୍‌ଫୁଟକୁ ଚାଲିଯାଇଥିଲା ଦଳ। ତାଙ୍କ ପଛରେ ମେକ୍ସଓ୍ୱେଲ୍ ଲଢ଼ୁଆ ବ୍ୟାଟିଂ ପ୍ରଦର୍ଶନ କରିବା ସହ ଦଳକୁ ୧୪୯ ପହଞ୍ଚିବାରେ ସହାୟକ ହୋଇଥିଲା।

ଅପରପକ୍ଷରେ ଦ୍ୱିତୀୟ ଇଂନିସରେ ସନରାଇଜର୍ସ ହାଇଦ୍ରାବାଦର ଓପନର ଋଦ୍ଧିମାନ ସାହ ମାତ୍ର ୧ ରନ୍ କରି ଆଉଟ୍ ହୋଇଯାଇଥିଲେ । କିନ୍ତୁ ଏହା ପରେ ଡେଭିଡ୍ ଓ୍ୱାର୍ନର ଏବଂ ମନୀଷ ପାଣ୍ଡେଙ୍କ ଲଢ଼ୁଆ ବ୍ୟାଟିଂ ଦଳକୁ ଭଲ ସ୍ଥିତିରେ ପହଞ୍ଚାଇଥିଲେ । କିନ୍ତୁ ଆରସିବି ବୋଲର ଅହମ୍ମଦଙ୍କ ଗୋଟିଏ ଓଭରରେ ୩ଟି ଓ୍ୱକେଟ ମ୍ୟାଚ୍‌ର ମୋଡ ବଦଳାଇ ଦେଇଥିଲା । ଖେଳ ଶେଷ ବେଳକୁ ନିର୍ଦ୍ଧାରିତ ଓଭରରେ ମାତ୍ର ୧୪୩ ରନ୍ କରିବାକୁ ସକ୍ଷମ ହୋଇଥିଲା ଦଳ । ହାଇଦ୍ରାବାଦ ପକ୍ଷରୁ ଡେଭିଡ୍ ଓ୍ୱାର୍ନର ସର୍ବାଧିକ ୫୩ ଓ ମନୀଷ ପାଣ୍ଡେ ୩୮ ରନ୍ କରିବାକୁ ସକ୍ଷମ ହୋଇଥିଲେ ।

Opn Commnet Area

Leave a Reply

Your email address will not be published. Required fields are marked *

Close Bitnami banner