ଅତୁଟ ସମ୍ପର୍କର ଅତୁଟ ବନ୍ଧନ ଏ ଭାଇଭଉଣୀଙ୍କ

1 min read

ଆଜି ଗହ୍ମା ପୂର୍ଣ୍ଣମା ବା ରକ୍ଷା ବନ୍ଧନ । ଆଜି ହେଉଛି ଭାଇ-ଭଉଣୀଙ୍କ ମଧ୍ୟରେ ଥିବା ସ୍ନେହ ଓ ପ୍ରେମର ଦିନଟିଏ । ବର୍ଷକର ଅପେକ୍ଷା ପରେ ଆସି ଥିବା ଏହି ଦିନରେ ଭାଇ ଭଉଣୀ ସେମାନଙ୍କ ସବୁ ରାଗ ରୋଷା ଭୁଲି ପରଷ୍ପର ଭିତରେ ସ୍ନେହ ଭରା ସମ୍ପର୍କକୁ ଆହୁରି ମଜବୁତ କରିବାର ଦିନଟିଏ ।  ଭାଇର ଶୁଭ ମନାଷୀରେ ହାତରେ ସ୍ନେହର ଡୋରି ବାନ୍ଧିବ ଭଉଣୀ ।

ଭାଇ ହାତରେ ସ୍ନେହର ଡୋର ବାନ୍ଧି ଭାଇର ଦିର୍ଘାୟୁ କାମନା କରିବ ଭଉଣୀ  । ଭାଇକୁ ଧୂପ, ଦ୍ୱିପରେ ବନ୍ଦାପନା କରି, ମିଠା ଖୁଆଇ ରାକ୍ଷୀ ବାନ୍ଧିବ ଭଉଣୀ  । ସେପଟେ  ଉଉଣୀକୁ ଆସିର୍ବାଦ ଦେବା ସହ ନାନା ଉପହାର ଦେବ ଭାଇ  । ଏନେଇ ପ୍ରତିଟି ପରିବାରେ ଉତ୍ସାହର ମାହୋଲ ଦେଖିବାକୁ ମିଳିଛି । ହେଲେ ଚଳିତ ବର୍ଷ କରୋନା ପାଇଁ ଟିକିଏ ପର୍ବ ଫିକା ପଡିଛି  । ହେଲେବି ସମସ୍ତେ ସାମଜିକ ଦୂରତା ମାନିବା ସହ କରୋନା କଟକଣା ଭିତରେ ଉତ୍ସବ ପାଳନ କରୁଛନ୍ତି  ।

ବର୍ଷ ବର୍ଷ ଝଗଡ଼ା କରିବା ପରେ ବି ସବୁ ବେଳେ ସାଙ୍ଗ ହୋଇ ପରସ୍ପର ଦୁଃଖସୁଖରେ ସହାରା ହେଉଥିବା ଏହି ସମ୍ପର୍କ ସତରେ ବହୁ ନିଆଁରା । କେତେବେଳେ ଧୁଳି ଘର ପାଇଁ ଅଳି ତ କେତେବେଳେ ବାପା –ମାଆଙ୍କ ସ୍ନେହର କମ୍-ବେଶୀର ଅଳି ଏସବୁ ଭିତରେ ହିଁ ଏହି ସମ୍ପର୍କ ଆହୁରି ମାର୍ଜିତ ହୋଇଥାଏ । ଜଣେ ଦୁଃଖରେ ଥିଲେ ଅନ୍ୟ ଜଣଙ୍କୁ ନିଦ ହୁଏନି ଏ ହେଉଛି ଏମିତି ସମ୍ପର୍କ । ସାରା ଦୁନିଆ ଆଖ୍ୟପ କଲେ ବି ସବୁ ଟାହି ଟାପରା ସାମ୍ନା କରି ପରସ୍ପରର ସାହାରା ହେଉଥିବା ଏହି ସମ୍ପର୍କ ହେଉଛି ଭାଇ ଭଉଣୀର ।

Opn Commnet Area

Leave a Reply

Your email address will not be published. Required fields are marked *

Close Bitnami banner