ଦେଶୀ ବନ୍ଧୁକ କାରଖାନାରେ ଚଢ଼ାଉ, ଜଣେ ଗିରଫ

ନୟାଗଡ଼: ନୟାଗଡ଼ରେ ଚାଲିଥିଲା ଦେଶୀ ବନ୍ଧୁକ ତିଆରି କାରଖାନା । ଖବର ପାଇବା ପରେ ସଦର ଥାନାରେ ଚଢ଼ାଉ । ସଦର ଥାନା ଅନ୍ତର୍ଗତ ମାଳିସାହିରେ ହୋଇଥିଲା ଏହି ଚଢ଼ାଉ । ଚଢାଉରେ ୪ଟି ବନ୍ଧୁକ ଜବତ କରାଯାଇଥିବା ବେଳେ ଜଣଙ୍କୁ ଗିରଫ କରାଯାଇଛି ।

ଗିରଫ ଅଭିଯୁକ୍ତ ଜଣଙ୍କ ହେଲେ ମାଳିସାହିର କାବୁଲି ମହାରଣା । ଅଭିଯୁକ୍ତ ଜଣଙ୍କ ପୂର୍ବରୁ ବେଆଇନ କାର୍ଯ୍ୟରେ ସମ୍ପୃକ୍ତି ଅଭିଯୋଗରେ ୨ ଥର ଜେଲ ଯାଇଛନ୍ତି l ଗୋଟିଏ ବନ୍ଧୁକ ପିଛା ଦଶ ହଜାରରୁ ଊର୍ଦ୍ଧ୍ବ ଟଙ୍କାରେ ବିକ୍ରି କରୁଥିବା ସୂଚନା ମିଳିବା ପରେ ପୋଲିସ ଚଢ଼ାଉ କରିଥିଲା । ଘଟଣାର ଅଧିକ ତଦନ୍ତ ଜାରି ରହିଛି ବୋଲି କହିଛନ୍ତି ନୟାଗଡ଼ ଏସପି ।