ପୁଟିନଙ୍କ ସହ ବୁଲୁଛି ନ୍ୟୁକ୍ଲିୟର ବ୍ରିଫକେସ୍: ଯେକୌଣସି ସମୟରେ ପରମାଣୁ ଯୁଦ୍ଧ !

ମସ୍କୋ: ଗୋଟିଏ ସପ୍ତାହ ମଧ୍ୟରେ ଦ୍ବିତୀୟ ଥର ପାଇଁ ଋଷ ରାଷ୍ଟ୍ରପତିଙ୍କ ସହ ଦେଖିବାକୁ ମିଳିଛି ନ୍ୟୁକ୍ଲିୟର ବ୍ରିଫକେସ୍ । ଯାହା ସାରା ବିଶ୍ବକୁ ପୁଣି ଥରେ ପରମାଣୁ ଯୁଦ୍ଧ ଆଶଙ୍କା ମଧ୍ୟକୁ ଠେଲି ଦେଇଛି । ପୂର୍ବରୁ ପୁଟିନ ପରମାଣୁ ଯୁଦ୍ଧର ଖୋଲା ଧମକ ଦେଇ ସାରିଛନ୍ତି । ଆଉ ତାଙ୍କ ସହ ନ୍ୟୁକ୍ଲିୟର ବ୍ରିଫକେସକୁ ଦେଖିବାକୁ ମିଳିଥିଲା । ଏବେ ସପ୍ତାହକ ମଧ୍ୟରେ ଦୁଇ ଥର ବ୍ରିଫକେସ ପୁଟିନଙ୍କ ସହ ଦେଖାଯିବା ସଙ୍କେତ ଦେଉଛି ୟୁକ୍ରେନ ଯୁଦ୍ଧ ଶୀଘ୍ର ପରମାଣୁ ଯୁଦ୍ଧରେ ପରିଣତ ହୋଇପାରେ ।

ପ୍ରଥମ ଭିଡିଓରେ ଜଣେ ବ୍ୟକ୍ତି ପୁଟିନଙ୍କ ପାଖରେ ନ୍ୟୁକ୍ଲିୟର ବ୍ରିଫକେସ ଧରି ଛିଡା ହୋଇଥିବା ଦେଖିବାକୁ ମିଳିଥିଲା । ଏହାର ଦିନ କେଇଟା ଯାଇଛି କି ନାହିଁ ବେଲାରୁଷରୁ ଆସିଛି ଆଉ ଏକ ଭିଡିଓ । ଏଥିରେ ପୁଟିନଙ୍କୁ ନ୍ୟୁକ୍ଲିୟର ବ୍ରିଫକେସ ସହ ଦେଖିବାକୁ ମିଳିଛି ।

ପୁଟିନଙ୍କ ଜିଦରେ ଆଜି ସାରା ୟୁକ୍ରେନ ଜଳୁଛି । ୟୁକ୍ରେନ ସହ ଯୁଦ୍ଧ ଆରମ୍ଭ ପରେ ଏକାଧିକ ଥର ପରମାଣୁ ଆକ୍ରମଣର ଧମକ ଦେଇ ସାରିଛନ୍ତି ପୁଟିନ୍ । ଏମିତିକି ଋଷର ପରମାଣୁ ବୋମା ବିସ୍ଫୋରିତ ହେବାକୁ ପ୍ରସ୍ତୁତ ହୋଇ ରହିଛି । କେବଳ ନ୍ୟୁକ୍ଲିୟର ବ୍ରିଫକେସରେ ଥିବା ବଟମକୁ ପୁଟିନ ଚିପିବା ବାକି ଅଛି । ଯଦି ପୁଟିନ ଏହି ବ୍ରିଫକେସର ସେ ଧଳା ବଟମଟି ଚିପି ଦେବେ ତେବେ ନିମିଷକ ମଧ୍ୟ ଆରମ୍ଭ ହୋଇଯିବ ପରମାଣୁ ଆକ୍ରମଣ ଓ ପ୍ରତିବଦଳରେ ଆମେରିକା ସହ ଅନ୍ୟ ନ୍ୟୁକ୍ଲିୟର ପାଓ୍ବାର ଦେଶ ଏହାକୁ ପ୍ରୟୋଗ କରିବାକୁ ପଛାଇବେ ନାହିଁ । ଯାହା ପୃଥିବୀ ଧ୍ବଂସର କାରଣ ପାଲଟିବ ।

ଏମିତିରେ ପୁଟିନଙ୍କ ମନରେ କ’ଣ ଚାଲିଛି ? ତାଙ୍କ ରଣନୀତି କ’ଣ ? ସେ କ’ଣ ଚାହୁଁଛନ୍ତି, ଟେର ପାଇ ନଥାନ୍ତି ବିଶ୍ବବାସୀ । ପୁଟିନ କେତେ ବେଳେ କ’ଣ ନିଷ୍ପତ୍ତି ନେବେ ତାକୁ ଆକଳନ କରିବା କାଠିକର ପାଠ । ପ୍ରତିବନ୍ଧକ ହେଉ କି ଧମକ ଏହା ପୁଟିନଙ୍କ ଉପରେ କୌଣସି ପ୍ରଭାବ ପକାଉ ନାହିଁ । ପୁଟିନଙ୍କ ଆଗ ଆକ୍ସନ ପରେ ରିଆକ୍ସନ ନୀତି ଆମେରିକା ସମେତ ପୂରା ବିଶ୍ବ ପାଇଁ ଆତଙ୍କର କାରଣ ପାଲଟିଛି । ଏମିତି ସ୍ଥିତିରେ ପୁଟିନଙ୍କୁ ସପ୍ତାହକ ମଧ୍ୟରେ ଦୁଇ ଥର ନ୍ୟୁକ୍ଲିୟର ବ୍ରିଫକେସ ସହ ଦେଖଯିବା ଆମେରିକା ସମେତ ପୂରା ୟୁରୋପୀ ଦେଶଙ୍କ ନିଦ ଉଡାଇ ଦେଇଛି ।