ଡ୍ୟାନ୍ସ ବାର୍ ଖୋଲିବା ଦାବିରେ ବାର୍ ଗାର୍ଲଙ୍କ ବିକ୍ଷୋଭ

ଭୁବନେଶ୍ବର: ଭୁବନେଶ୍ୱର ଅବକାରୀ କାର୍ଯ୍ୟାଳୟ ସମ୍ମୁଖରେ ବାର ଗାର୍ଲଙ୍କ ବିକ୍ଷୋଭ । କାର୍ଯ୍ୟାଳୟ ଘେରିଲେ ଶତାଧିକ ବାର ଗାର୍ଲ । ଡ୍ୟାନ୍ସ ବାର୍ ଖୋଲିବା ଦାବିରେ ଏଭଳି ପ୍ରତିବାଦ କରିଛନ୍ତି ବାର୍ ଗାର୍ଲ ।

ଗତକାଲି ବାର ବନ୍ଦ ନେଇ ନିର୍ଦ୍ଦେଶ ଦେଇଥିଲେ ଅବକାରୀ ସୁପରିଟେଣ୍ଡେଣ୍ଟ । ରାଜଧାନୀର ବାରରେ ବାର ଗାର୍ଲ ନାଚି ପରିବେନି ବୋଲି କହିଥିଲେ । ଯେଉଁ ବାର ମାଲିକ ନିୟମ ଉଲ୍ଲଂଘନ କରିବେ ସେମାନଙ୍କ ଲାଇସେନ୍ସ ରଦ୍ଦ କରାଯିବ ବୋଲି ନିର୍ଦ୍ଦେଶରେ ଉଲ୍ଲେଖ ରହିଛି । ଏପରିକି ଡିଜେ ମଧ୍ୟ ବ୍ୟବହାର କରପାରିବେ ନାହିଁ ବୋଲି କୁହାଯାଇଛି । ସୋସିଆଲ ମିଡିଆ ବିଜ୍ଞାପନରେ ସେମାନେ ମହିଳାଙ୍କୁ ଉତ୍ତେଜକ ମୂଳକ ପୋଷାକ ପରିଧାନ କରାଇ ଫଟୋ ପୋଜ ଦେଇପାରିବେ ନାହିଁ ବୋଲି ସ୍ପଷ୍ଟ ଭାବେ କୁହାଯାଇଥିଲା ।

ପୂର୍ବଦିନ ମାନଙ୍କରେ ବାର ଗାର୍ଲମାନଙ୍କୁ ମାନସିକ ଶାରୀରିକ ନିର୍ଯାତନା ଦେବା, ସେମାନଙ୍କୁ ଗ୍ରାହକଙ୍କ ସହ ରାତ୍ରି ଯାପନ କରିବାକୁ ବାଧ୍ୟ କରିବା, ଏପରିକି କିଛି ବାର ଗାର୍ଲ ଆତ୍ମହତ୍ୟା କରିଥିବା ଖବର ମଧ୍ୟ ସାମ୍ନାକୁ ଆସିଥିଲା । ଏଭଳି ବାରମ୍ବାର ଅଭିଯୋଗ ପରେ ଅବକାରୀ ବିଭାଗର ନିଦ ଭାଙ୍ଗିଥିଲା । ତୁରନ୍ତ ଯୁବତୀ ନିୟୋଜିତ ହେଉଥିବା ବାର ବନ୍ଦ ପାଇଁ ନିର୍ଦ୍ଦେଶ ଦେଇଥିଲେ । ଏହାପରେ ଶତାଧିକ ଯୁବତୀ କଳ୍ପନା ସ୍ଥିତ ଅବକାରୀ ଥାନା କାର୍ଯ୍ୟାଳୟ ଘେରାଉ କରି ବାରଗୁଡିକୁ ତୁରନ୍ତ ଖୋଲିବାକୁ ଦାବି ରଖିଛନ୍ତି ।