ଫିଲ୍ମ ସୁଟିଂ ବେଳେ ଦୁର୍ଘଟଣା: ସତରେ ଗୁଳି ମାରିଦେଲେ ଅଭିନେତା, ସିନେମାଟୋଗ୍ରାଫରଙ୍କ ମୃତ୍ୟୁ
ହଲିଉଡ ଫିଲ୍ମ ‘ରଷ୍ଟ’ ସୁଟିଂ ସେଟରେ ଘଟିଛି ଅଭାବନୀୟ ଘଟଣା । ଏଠାରେ ଅଭିନେତା ଆଲୋକ୍ ବାଲ୍ଡବିନ୍ ସୁଟିଂ ସମୟରେ ଭୁଲରେ ଗୁଳି ଚଳାଇ ଦେଇଛନ୍ତି । ଏହି ଦୁର୍ଘଟଣାରେ ସିନେମାଟୋଗ୍ରାଫରଙ୍କର ମୃତ୍ୟୁ ଘଟିଛି । ଏହା ସହିତ ଫିଲ୍ମର ନିର୍ଦ୍ଦେଶକ ମଧ୍ୟ ଆହତ ହୋଇଛନ୍ତି ।
ଗୁରୁତ୍ୱପୂର୍ଣ୍ଣ କଥା ହେଉଛି, ଆଲେକ୍ ପ୍ରପ୍ ଗନ ବ୍ୟବହାର କରିଥିଲେ । ସୁଟିଂ ବେଳେ ଆଲେକ୍ ଗୁଳି ଚାଳନା କରୁ କରୁ ଗୁଳି ସିଧାସଳଖ ବାଜିଲା ସିନେମାଟୋଗ୍ରାଫର ହଲିନା ହଚିନ୍ସଙ୍କୁ । ଘଟଣା ପରେ ହଲିନାଙ୍କୁ ତତକ୍ଷଣାତ୍ ହେଲିକପ୍ଟର ସାହାଯ୍ୟରେ ହସ୍ପିଟାଲ ନେବା ସମୟରେ ଅଧା ରାସ୍ତାରେ ହିଁ ତାଙ୍କର ମୃତ୍ୟୁ ହୋଇଛି । ଅନ୍ୟପଟେ ନିର୍ଦ୍ଦେଶକ ଜୋଏଲ ସୁଜା ମଧ୍ୟ ଆହତ ହୋଇଛନ୍ତି ।
ଏପର୍ଯ୍ୟନ୍ତ ପୋଲିସ କୌଣସି ଅପରାଧିକ ମାମଲା ରୁଜୁ କରିନାହିଁ । କିନ୍ତୁ ମାମଲାର ତଦନ୍ତ ଆରମ୍ଭ ହୋଇ ସାରିଛି । ପୋଲିସ ଏହା ଜାଣିବାକୁ ଚେଷ୍ଟା କରୁଛିଯେ, ବାସ୍ତବରେ ଏଥିରେ ଗୁଳି ଥିଲା ନା ଏଥିରୁ କୌଣସି ପ୍ରୋଜେକ୍ଟାଇଲ ବାହାରିଥିଲା ।
